web counter
LEXO PA REKLAMA!

SHKARKO APP

App Store
Google Play

E fundit!

x

Spiropali përmbyll vizitën zyrtare në Athinë: Zgjerimi i BE-së, mekanizëm zhvillimor dhe strategjik për Shqipërinë

19 Dhjetor 2025, 13:57, Politikë CNA

Spiropali përmbyll vizitën zyrtare në Athinë: Zgjerimi i

Ministrja për Europën dhe Punët e Jashtme, Elisa Spiropali, ka përmbyllur vizitën e saj zyrtare në Athinë, ku ka zhvilluar takime të rëndësishme në kuadër të procesit të zgjerimit të Bashkimit Europian dhe integrimit të Ballkanit Perëndimor.

Në një postim në rrjetin social "Facebook", Spiropali bën me dije se një ditë më parë është takuar me ekspertë, akademikë dhe ambasadorë në Fondacionin Helenik për Politikat e Jashtme dhe Europiane në Athinë.

Gjatë diskutimeve, fokusi ka qenë zgjerimi i BE-së si instrument gjeopolitik dhe roli i Ballkanit Perëndimor në këtë proces.

Ministrja theksoi se për Shqipërinë, zgjerimi i Bashkimit Europian nuk përfaqëson thjesht një proces burokratik, por një mekanizëm zhvillimor dhe mbrojtës që forcon thellësinë strategjike të Europës.

“Bisedë përmbajtësore në Fondacionin Helenik për Politikat e Jashtme dhe Europiane në Athinë, me ekspertë, akademikë dhe Ambasadorë mbi momentumin e procesit të zgjerimit të BE, si një instrument i fuqishëm gjeopolitik për ruajtjen e stabilitetit, sigurisë dhe kohezionit ekonomik të kontinentit. Për Shqipërinë, zgjerimi nuk është një ushtrim burokratik. Është një mekanizëm zhvillimor dhe mbrojtës që forcon thellësinë strategjike të Europës, ku vendi ynë mund të kontribuojë me gjithë potencialin e tij”, tha Spiropali./ CNA





Lajmet e fundit nga