web counter
LEXO PA REKLAMA!

SHKARKO APP

App Store
Google Play

Foltorja në Kurbin/ Berisha: Rama, armik i shqiptarëve dhe votës së lirë

20 Dhjetor 2025, 18:40, Politikë CNA

Foltorja në Kurbin/ Berisha: Rama, armik i shqiptarëve dhe votës

Kryetari i PD-së, Sali Berisha ka zhvilluar sot foltoren e radhës, kësaj here me demokratët e Kurbinit.

Gjatë fjalës së tij, Berisha tha se sot vendi është në një nga momentet e tij më kritike, dhe PD-ja është në një nga provat e saj më të fuqishme.

Kryedemokrati ka akuzuar kryeministrin Edi Rama se ka larguar nga vendit shqiptarët dhe ka vjedhur votën e lirë.

“Jam sot tek ju në një nga momentet më kritike për vendin. Në një nga provat më të fuqishme të PD-së në tërë ekzistencën e saj. Sot me këto që dëgjojmë Shqipëria është një diktaturë e korruptuar si asnjë tjetër në Europë.

Ne kemi përmbys një diktaturë 35 vite më parë dhe absolutisht do ta përmbysim dhe këtë në mënyrën më të fuqishme, më të vendosur dhe më të shpejtë.

Po ta nxjerrësh Edi Ramën në gjyqin e histroisë së shqiptarëve, nuk do të gjendet një kryeministër, armik i egër i qenies kombëtare shqiptarëve se ky. Në 10 vite ka larguar 1.1 milionë shqiptarë, ka larguar 720 mijë të rinj shqiptarë. Ka bërë që Shqipëria të ketë sot atë lindshmëri që ka pasur 100 vite më parë. Ka bërë që vdekjet të dominojnë mbi lindjet. Jemi në udhëtimin e shuarjes tonë.

Asnjë pushtues e diktator nuk ka bërë këtë shfarosje të shqiptarëve si Edi Rama. Me Edi Ramën nuk ka zgjedhje, është armik i votës së lirë”, tha Berisha ndër të tjera. /CNA





Lajmet e fundit nga