web counter
LEXO PA REKLAMA!

SHKARKO APP

App Store
Google Play

E fundit!

x

“Rama, pjesë e sojit më të ndyrë”/ Alizoti: Është rrëzuar nën rrënojat e korrupsionit, grabiti shqiptarët

21 Dhjetor 2025, 20:16, Politikë CNA

“Rama, pjesë e sojit më të ndyrë”/ Alizoti:

Deputeti i PD-së, Tomor Alizoti theksoi sot edhe njëherë qëndrimin e opozitës ndaj kryeministrit Edi Rama, që e cilësoi si përfaqësuesin e sojit më të ndryrë politik.

Përmes një postimi në rrjetet sociale, Alizoti shprehet se Rama është rrëzuar në rrënojat e korrupsionit galopant , duke grabitur popullin.

Alizoti shton se dalja në shesh është zgjidhja më e mirë për të treguar se shkelja ndaj qytetarëve nuk pranohet.

“Sot nuk ka asnjë shqiptar dhe asnjë i huaj që informohet për Shqipërinë, që nuk e di se Edi Rama është një hajdut ordiner, kreu i një karteli të mirëorganizuar, që vjedh si një derr i pangopur. Sot nuk ka asnjë njeri të arsyeshëm, të papërfshirë financiarisht, që të mos e ketë të qartë si drita e diellit se lideri i “Rilindjes” është përfaqësuesi i fundit i sojit më të ndyrë që ka prodhuar ky vend.

Edhe pse i rrëzuar nën rrenojat e korrupsionit galopant, edhe pse i kapur gafil si hajdut ordiner që grabit popullin më të varfër të Europës, ai vazhdon të rezistojë, të mbijetojë si një vemje e neveritshme. Dalja e tij e fundit mediatike, në një ligjëratë të vetmuar dhe të pështirë, e tregoi qartë: ai nuk do të tërhiqet. Përkundrazi, është gati ta tërheqë zvarrë edhe partinë e tij në hendekun e turpit ku është zhytur vetë.

Bashkëqytetarë, protesta e nesërme nuk ka të bëjë me pushtetin. Ka të bëjë me dinjitetin. Ky kryeministër mafioz po e sfidon hapur vendin. Po përpiqet të tregojë se Shqipëria është një territor i kalbur, ku qytetarët janë aq të varfër sa pranojnë vjedhjen e tij. Po përpiqet të na barazojë të gjithëve me veten e tij, të na quajë hajdutë, pjesë të ingranazhit të tij mafioz.

Ai kërkon të provojë se “jemi të gjithë njësoj”. Nuk jemi.

Ndaj nesër është dita e protestës, jo për pushtetin e opozitës, por për dinjitetin tonë. Për t’i treguar Edi Ramës se vetëm ai dhe shpura e tij e ndyrë janë përfituesit e trafikut, korrupsionit dhe hajdutërisë. Shqipëria është e varfër, po, por nuk duhet të jetë kurrë e përdhunuar nga kartelet e kokainës dhe e nënshtruar ndaj dhunës së korrupsionit galopant.

Nesër është dita e dinjitetit. Dita për të dalë në shesh dhe për t’u thënë qartë: nuk jemi si ju. Nuk pranojmë të na shkelni. Fundi i trafikantëve dhe hajdutëve po vjen”,-shprehet Alizoti./CNA





Lajmet e fundit nga