web counter
LEXO PA REKLAMA!

SHKARKO APP

App Store
Google Play

“Ndonjëherë ka grindje”/ Ambasadorja greke tregon marrëdhëniet me Shqipërinë dhe porositë e Mitsotakis

21 Dhjetor 2025, 19:44, Politikë CNA

“Ndonjëherë ka grindje”/ Ambasadorja greke tregon

Ambasadorja greke në Tiranë, Konstandina Kamitsi ndau pjesëza nga tre vitet e postit të saj në Shqipëri.

E  ftuar në “Euronews Albania”, ambasadorja u shpreh se kishte qenë kërkesa e saj që të vinte në vendin tonë, pasi e cilëson si shumë të rëndësishëm për Greqinë.

Ndër të tjera, Kamitsi zbuloi edhe një porosi nga kryeministi grek Kyriakos Mitsotakis, për një marrëdhënie familjare mes dy vendeve.

 “Kërkova të vija në Shqipëri, nuk më thanë. E kërkova vetë. Shqipëria është një vend shumë i rëndësishëm për Greqinë dhe Ministrinë e Punëve të Jashtme të Greqisë.  Është një nga ambasadat më të rëndësishme që ka, i japin një rëndësi shumë të veçantë.

Pikërisht për këtë është një ambasadë e madhe. Kemi edhe dy Konsullata të Përgjithshme. Është një post shumë i rëndësishëm për Greqinë.

Kështu që dikush jo vetëm duhet të kërkojë për të ardhur, por duhet të përzgjidhet për të ardhur. Kryeministri grek e vizitoi Shqipërinë 4 herë gjatë 3 viteve që jam në Shqipëri. Greqia dhe Shqipëria kanë marrëdhënie familjare, ndonjëherë ka grindje por kjo është e vetëkuptueshme në marrëdhëniet familjare”, tha ambasadorja Kamitsi./CNA





Lajmet e fundit nga