web counter
LEXO PA REKLAMA!

SHKARKO APP

App Store
Google Play

"Sot është koha që secili të shtrijë dorën dhe të bashkohet"/ Lapaj thirrje partive opozitare

23 Dhjetor 2025, 20:56, Politikë CNA

"Sot është koha që secili të shtrijë dorën

Drejtuesi i “Shqipëria Bëhet”, Adriatik Lapaj në një dalje televizive ka folur për protestat e zhvilluara.

Lapaj tha se tani i gjithë fokusi është aty ku duhet të jetë dhe presioni tani duhet të rritet.

Më tej, Lapaj bëri thirrje se grupe të ndryshme qytetare dhe politike, të bashkohen për një qëllim të përbashkët.

Lapaj deklaroi se tani është koha që të lihen mënjanë urrejtjet dhe të bashkohën kundër qeverisë.

 

 

“Kur para 16 ditësh nisa me një karrige të dilja këtu te Kryeministria, ju jeni dëshmitarë që asnjë protestë nuk ishte në qytet, edhe pse vendi po dëshmonte një nga vjedhjet më barbare që mund të imagjinohej. Në këto 16 ditë që kanë kaluar është rritur intensiteti i të gjitha grupimeve politike, por edhe grupeve shoqërore në organizim të aktiviteteve qytetare përballë hajdutërisë. Është intensifikuar debati publik dhe është kthyer në qendër të vëmendjes reagimi për këtë çështje. Unë mendoj që tashmë i gjithë fokusi dhe vëmendja publike është orientuar aty ku duhet dhe presioni tashmë duhet të rritet. Që do të thotë se nëse nisi me një njeri, i cili ka dalë këtu për të shprehur revoltën e vet dhe mosdakordësinë e vet dhe pastaj të tjerë u bashkuan për arsyet që ata mendojnë që situata nuk është normale në Shqipëri dhe vullnete të ndryshme janë bashkuar, u arrit që dita-ditës të shtohet numri i atyre që rrinë këtu 24 orë dhe atyre që protestojnë dhe ditën e shtunë ne patëm dhe protestën e parë të madhe të thirrur, ku kanë marrë pjesë rreth 2 000 qytetarë dhe unë mendoj që në ditët në vazhdim do të rritet edhe më shumë intensiteti i protestës dhe ne sigurisht që shumë shpejt do të publikojmë datën tjetër të protestës së dytë, e cila besojmë do të jetë më masive dhe ka vend që grupime të ndryshme qytetare, por edhe politike, të reflektojnë dhe të bashkohen këtu në shesh për një qëllim të përbashkët.

Ne mund të mos e duam njëri-tjetrin, por e vërteta e madhe është që ka një kohë për t'u zënë, ka dhe një kohë për t'u bashkuar kundër një të keqe më të madhe. Koha kur mund të më sulmojnë mua si Adriatik, edhe ata që janë në opozitë, nuk është tani, është më vonë. Sot është koha që secili të shtrijë dorën dhe të bashkohet në një front të madh qytetar kundër hajdutërisë së madhe që ka kapur vendin”, tha Lapaj./CNA





Lajmet e fundit nga