web counter
LEXO PA REKLAMA!

SHKARKO APP

App Store
Google Play

E fundit!

x

"Heshti për thikat në shkolla"/ Xhaferri: Rama mblodhi nxënësit ekselentë, pasi kërkon të vjedhë vëmendje

23 Dhjetor 2025, 20:09, Politikë CNA

"Heshti për thikat në shkolla"/ Xhaferri: Rama mblodhi

Deputeti i Partisë Demokratike, Besart Xhaferri ka reaguar për takimin e kryeministrit Rama me nxënësit ekselentë.

Me anë të një postimi në rrjetet sociale, Xhaferri shkruan se Rama kërkon të vjedhë vëmendjen falë merits së nxënësve.

Demokrati thotë se Rama hesht për nxënësit dhe studentët që mungojnë në auditore dhe nuk kërkoi ndjesë përpara nxënësve që takoi sot.

Xhaferri u shpreh se kryeministri po hesht dhe për plagosjet dhe vrasjet që po ndodhin në shkolla.

 

“Sot Robert Mugabe i Surrelit uroi ekselentët, por heshti për raportet e PISA-s dhe vrasjet në dyert e shkollave!

Sot Kryeministri Edi Rama mblodhi nxënësit ekselentë, pasi, si një hajdut mediokër, kërkon të vjedhë vëmendje falë meritës së këtyre të rinjve të jashtëzakonshëm që kanë zgjedhur të derdhin djersë mbi libra, ndryshe nga modelet që u ofron Rilindja.

Ai sot heshti për 254 mijë nxënës dhe studentë që mungojnë në auditore për shkak të eksodit biblik të shqiptarëve.

Para tyre nuk kërkoi asnjë ndjesë për faktin se nxënësit shqiptarë, në testet e PISA-s, falë kësaj qeverie, renditen krah Palestinës së rrënuar nga lufta.

Kryeministri heshti edhe për hanxharët dhe thikat në shkolla, ku vetëm muajin e fundit kemi një nxënës të vrarë dhe katër të plagosur në Durrës, Shkodër dhe Sarandë, nga konfliktet me thika”, shkruan Xhaferri./CNA





Lajmet e fundit nga