E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

U dënua si mashtrues, Ervin Salianji bëhet qesharak

24 Dhjetor 2025, 09:32, Politikë CNA

Ervin Salianji ose siç njihet ndryshe “Babalja”, i dënuar me një vit burg për kallëzim të rremë vijon që në misionin e tij të trashëguar nga ish-kryetari i tij Luli Basha për të përçarë PD që t’i zgjasë sa më shumë karrigen Edi Ramës në pushtet.

Së fundi i është sulur Flamur Nokës dhe ka nxjerrë mllefin e tij duke thënë që është aksidenti më i madh politik në 35 vite në PD, ka deklaruar se Flamur Noka është një humbës serial dhe ka fytyrën e dështimit në çdo palë zgjedhje që nga 2013.

Në fakt, e thënë kjo e bën atë thjesht edhe më qesharak. Pasi vetë Salianji ka dështuar në çdo palë zgjedhje dhe ka shënuar humbje në seri që kur është futur në PD.

Humbësi serial dhe fytyra e dështimit është Babalja i dënuar për kallëzim të rremë, që sot kërkon mbështetjen e demokratëve për të përçarë partinë, ndërsa vetëm 3 vite më parë iu turrej me shkop atyre pasi nuk donte të lëshonte karrigen e dështakut që kishte zënë pranë ish-kryetarit të tij Luli Basha.

Më i votuari i qarkut të Korçës
17 Janar, 15:39

“Flamur Noka është aksidenti më i madh politik në 35 vite PDSH dhe arsyeja ulëritëse se pse kjo parti ka nevojë urgjente për reformim!

Ai nuk është thjesht një gabim politik, as vetëm idiot apo i përdorur si gojëprishur për të zhvendosur vëmendjen!

Ka njerëz që mbajnë flamurin për ideal. Ka edhe nga ata që e përdorin Flamurin pa ideal për të goditur kë t’u dalë përpara.

Ai është produkt i qëllimshëm i politikës së pistë: pazare, shërbime, nënshtrim dhe tregti interesi. Një figurë që ka shitur gjithçka që ka pasur mundësi: parime, njerëz, zona, zgjedhje, mjafton të ketë pak pushtet dhe përfitim personal.

Modeli i tij mban shumë qytetarë larg politikës dhe shumë profesionistë larg Partisë Demokratike. Por nuk do e lejojmë më.

Sepse është akuzuar publikisht nga kolegë për lidhje me krimin e organizuar, përfshirë Suel Çelën.

Sot, një gazetar opozitar dha dëshmi publike për takime të Mulit me Suel Çelën.

Po e postoj videon

Si kjo ka dhe akuza të drejtpërdrejta për pazare me ministra, për shërbim ndaj oligarkëve dhe për rol aktiv në mbajtjen në këmbë të regjimit të Edi Ramës.

Në Kukës u denoncua nga kandidati ynë se shiti bashkinë për interesa të ulëta, duke hapur rrugë Safet Gjicit dhe rrethit kriminal që e shoqëronte. Për këtë arsye është non grata nga demokratët e Kukësit. Non grata politike prej atyre që i tradhtoi.

Një humbës serial, fytyra e dështimit në çdo palë zgjedhje që nga viti 2013, por gjithmonë fitues në pazare personale.

Kam disa ditë që duroj baltën për hir të demokratëve, me bindjen se duhet të heshtim për t’i qëndruar përballë qeverisë por disa si ky paskan interesin e kolltukut jo të demokratëve!

Personalisht vetëm kam denoncuar bandat e kartelet nga jugu në veri e kur më akuzon për lidhje me krimin një njeri si Flamuri që nuk kalon dot as kufijtë, as det e as oqean për shkak të këtyre lidhjeve, për shkak të korrupsionit, grabitjes së pronave të të varfërve, apartamenteve të të pastrehëve dhe tregtisë së vendeve të punës, nuk është sulm por dëshmi që jam në rrugën e duhur! Një medalje nderi në luftën kundër krimit dhe karteleve kriminale e politike.

Sa për lidhjet me Ergys Agasin prisni dhe pak dhe do t’i shihni: bizneset, ortakëritë dhe bashkëpunimet. E vërteta ka këtë zakon: del gjithmonë dhe nuk pyet as për zhurmë, as për mbrojtje politike.

Sa më përket mua, zero lidhje me këtë kategori. Kaq për sot. Pas çdo përfolje tjetër do të sjell dëshmi, fakte dhe do të demaskoj çdo pacipësi që thuhet”, shkruan Salianji, i njohur si “Babalja”./ CNA