web counter
LEXO PA REKLAMA!

SHKARKO APP

App Store
Google Play

Akuzat e forta/ Berisha: Dy gjykatës të Kushtetueses kanë deklaruar se do të votojnë në favor të Ramës

24 Dhjetor 2025, 13:04, Politikë CNA

Akuzat e forta/ Berisha: Dy gjykatës të Kushtetueses kanë

Kreu i PD-së Sali Berisha ka hedhur akuza të forta ndaj kryeministrit Edi Rama dhe Gjykatës Kushtetuese.

Në deklaratën e tij për mediat Berisha është shprehur se dy gjykatës, duke i quajtur ata skllevër dhe mjeranë në komunikimet e tyre me miqtë kanë shprehur se e kutpjnë se Rama ka marrë fund por përsëri iu kërkojnë që në datën 18 ku të votojnë në favor të tij.

“Vetëm dje gjykatës skllevër mjeranë të pushtetit u deklaronin miqve të tyre se e kutptojmë se Edi Rama ka marrë fund por përsëri na kërkojnë që në datën 18 të votojmë në favor të tij.

Kjo është e vërteta ndaj dhe nuk kam asnjë lloj mëdyshje se ai nuk do të heq imunitetin se nëse do të heqë të parin do të detryohet të heqë të dytin të vetin.”, tha Berisha.

Ndër të tjera, kryedemokrati ka theksuar se shtyrja e mbledhjes së Këshillit të Mandateve e bllokon SPAK në punën e tij.

Berisha nënvizoi se, Rama ka përdorur si majoneta krimi mandatet që ka marrë për të asgjësuar sisteminm e drejtësisë.

“Po e bllokon SPAK-un ajo tre deri në 5 ditë, direkt i pandehuri ose avokati ka të drejtë të kërkojë kohë për të lexuar dosjen është e përcaktuar në rregullore. Kjo kohë që në rastin e Berishës nuk ishte as dy orë në rastin e lubisë u shpall 3-5 ditë. Por prokurorët arsyetuan se për të studiuar dosjen avokatëve u duhej kohë. Rregullorja thotë se pas shqyrtimit brenda dy javëve paraqitet raporti në parlament i cili është i detyruar që të vendosë në pikën e parë të rendit të ditës të seancës së parë të gjitha këto i fshiu Rama mori pushtetin e parlamentit dhe pezulloi seancën pa datë mbledhje që s’ka ndodhur kurrë. Këta janë të aftë të bëjnë çdo gjë për të mbrojtur krimet e tyre. Unë ua them ai nuk heq imunitetin ka vendosur të përdorë si majoneta krimi mandatet që ka marrë për të asgjësuar sistemin e drejtësisë”, u shpreh Berisha./ CNA





Lajmet e fundit nga