web counter
LEXO PA REKLAMA!

SHKARKO APP

App Store
Google Play

Përfitimet e Carlo Bollinos/ Këlliçi: PD do të depozitojë informacione të reja

25 Dhjetor 2025, 19:18, Politikë CNA

Përfitimet e Carlo Bollinos/ Këlliçi: PD do të

Deputeti i Partisë Demokratike, Belind Këlliçi i ftuar në emisionin “Task Force” me Sonila Meçon ka thënë se ka informacione të reja në lidhje me abuzimet e kryera në ngritjen e mediave të Carlo Bollinos.

Këlliçi tha se Bollino është njeriu që mishëron plotësisht keqpërdorimin nga pushteti të një medie.

Demokrati tha se PD do të depozitojë informacione të reja në lidhje me tenderët e përfituar nga Carlo Bollino.

Këlliçi tha se do të dorëzohen gjithashtu informacione se si Bollino ka kryer korrupsion dhe detaje të reja të dosjes 5D.

 

“Janë bërë tashmë publike dhe pra kanë ardhur tek ne informacionet e reja në raport me abuzimin që është bërë me ngritjen dhe financimin e kësaj mediaje, që është e themi dhe njëherë, edhe në fakt ndaj plotësisht qëndrimin me Bledi, për çfarë tha pak më parë. Në këtë vend shumica e mediave janë si media e Bollinos, por është pikërisht media e Carlo Bollinos që mishëron më së miri keqpërdorimin dhe kapjen nga pushteti të një mediaje, apo në fakt dhe krijimin, sepse mediat e tjera kombëtare kanë vite dhe kanë qenë në treg në fakt edhe më përpara se sa Edi Rama të bëhej kryeministër. Por në fakt me Bolinon ka ndodhur tjetër gjë. Pra Bollino është një ide fillestare e Edi Ramës, është ushqyer me paratë e buxhetit të shtetit nga Edi Rama, i është dhënë truall publik nga Edi Rama dhe është ngritur si media po nga Edi Rama – keni parë dhe pamjet te Plugu të hapjes së shampanjës së Edi Ramës që inspektonte mediat e tjerë e tjerë – po nga Edi Rama. Pra është një projekt i mendjes djallëzore dhe të sëmurë të Edi Ramës, që e ka ekzekutuar Carlo Bollino. Dhe për këtë arsye, Grupi Parlamentar i Partisë Demokratike, në vijim të dy kallëzimeve që ka bërë për Carlo Bollinon, të cilat janë të bashkuara në një kallëzim të vetëm dhe janë objekt i SPAK-ut dhe i hetimit për momentin nga prokurori Sotir Kllapi dhe kanë rreth dy vite, shumë shpejt do të depozitojë dhe informacionet e reja që kanë të bëjnë jo vetëm me shpronësimin e truallit, me konfiskimin dhe më pas me dhënien me 1 Euro të truallit për Bollinon, por kanë të bëjnë dhe me faktet e reja që kanë dalë tashmë dhe janë bërë publike, kanë të bëjnë me tenderat që ka marrë Bolino, ndikimin e tij të paligjshëm te zyrtarët e shtetit, korrupsionin pasiv dhe sigurisht detajet e reja të dosjes së 5D, Ballukut që lidhin drejtpërdrejt Ballukun, paratë publike, me Carlo Bollinon dhe Report TV”, tha Këlliçi./CNA





Lajmet e fundit nga