web counter
LEXO PA REKLAMA!

SHKARKO APP

App Store
Google Play

“Mund të fusin duart kudo”/ Shehaj: Duhet të zgjohemi, shqiptarët në duart e bandës kriminale

28 Dhjetor 2025, 15:59, Politikë CNA

“Mund të fusin duart kudo”/ Shehaj: Duhet të zgjohemi,

Kreu i Partisë Mundësia dhe deputeti Agron Shehaj ndau sot qëndrime të ashpra në adresë në qeverisë dhe kryeministrit Edi Rama.

Përmes një reagimi në rrjetet sociale, Shehaj shprehet se shqiptarët duhet të zgjohen, pasi janë në duart e një bande kriminale.

“Para disa ditësh, një miku im më shkruajti e më tha: “Mora përgjigje të analizave të gjakut në e-Albania. Çfarë do të thotë kjo, që Mirlinda Karçanaj dhe banda e saj, apo edhe qeveria, dinë çdo lloj informacioni? Dinë edhe përgjigjet e analizave të gjakut që mora unë?”

Përgjigja është: Po! Absolutisht, po.

Por jo vetëm kaq. Çfarë është më e rëndë, është që SPAK-u ka zbuluar që, nëpërmjet AKSHI-t, kanë futur duart në Kadastrën, kanë ndryshuar pronarët e disa pronave dhe për këtë po heton SPAK-u.

Është e paimagjinueshme pushteti që ka AKSHI, dhe drejtoresha e Edi Ramës që vazhdon të jetë në detyrë, pavarësisht se SPAK-u e ka vendosur në arrest në shtëpi. Mund të fusin duart kudo! Kanë në dorë pronat tona. Kanë çdo lloj informacioni që ka të bëjë me jetën tonë të përditshme: nga gjendja jonë shëndetësore, sëmundjet, ilaçet, hyrjet dhe daljet në Shqipëri, gjobat që marrim. Çdo lloj informacioni që kalon nëpërmjet AKSHI-t është në dorë të Mirlinda Karçanaj, për të cilën SPAK-u thotë që është pjesë e një bande kriminale. Dhe Edi Rama vazhdon ta mbajë në detyrë.

Duhet të zgjohemi! Është skandal ajo që po ndodh. Jeta jonë, jeta e çdo qytetari të Shqipërisë, është në duart e Mirlinda Karçanaj, një anëtare e një bande kriminale, që Edi Rama vazhdon ta mbajë në detyrë”,-tha Shehaj./CNA

 





Lajmet e fundit nga