web counter
LEXO PA REKLAMA!

SHKARKO APP

E fundit!

x

"Ua zunë galanë në fyt zyrtarëve"/ Berisha, për protestën në Vlorë: Qytetarët reaguan fuqishëm

29 Dhjetor 2025, 13:55, Politikë CNA

"Ua zunë galanë në fyt zyrtarëve"/ Berisha,

Kryetari i PD-së, Sali Berisha, ka përshëndetur protestën e qytetarëve të Vlorës për mungesën e furnizimit me ujë prej disa ditësh.

Berisha u shpreh se vlonjatët reaguan në mënyrë të fuqishme dhe se u prishën galanë zyrtarëve që sipas tij po festonin me fondet e vjedhura të ujësjellësit. Ai theksoi se protesta si e Vlorës janë shpëtimtare për shqiptarët dhe Shqipërinë.

“Dua të përshëndes përzemërsisht qytetarët e Vlorës për protestën e tyre dinjitoze, për fibrën e tyre qytetare, që reaguan në mënyrën më të fuqishme, ua zunë galanë në fyt zyrtarëve makutë, që kanë vjedhur fondet e ujësjellësit dhe ishin mbledhur të festonin me to.

Qytetarë dhe qytetare, ju përjetoni padrejtësitë më të mëdha. Protesta juaj kundër regjimit është shpëtimtare për ju dhe për Shqipërinë. Uji nuk mungon vetëm në Vlorë, uji mungon në mbarë Shqipërinë.

Arbitrariteti nuk ushtrohet vetëm në Vlorë, ushtrohet në çdo skaj të këtij vendi. Për të shpëtuar duhet zëri juaj, duhet angazhimi juaj qytetar. Të përzëmë sa më parë këtë të keqe të madhe që i ka rënë në krye Shqipërisë. PD angazhohet, opozita angazhohet në betejën finale për largimin e organizatës kriminale nga pushteti, organizatë që kryesohet nga Edi Rama”, tha Berisha. /CNA





Lajmet e fundit nga