web counter
LEXO PA REKLAMA!

SHKARKO APP

App Store
Google Play

"PD ka një problem themelor"/ Berisha: Zgjidhjet nuk duhet të jenë çështje e vullnetit të kryetarit

29 Dhjetor 2025, 12:13, Politikë CNA

"PD ka një problem themelor"/ Berisha: Zgjidhjet nuk duhet

Kryetari i Partisë Demokratike, Sali Berisha, i pranishëm në prezantimin e drejtuesit të departamentit “Brain Gain”, ka deklaruar se në parti ka disa probleme.

Berisha tha se një problem themelor që duhet të marrë përgjigje sa më parë është fakti që PD nuk ka karakter universal, ashtu siç duhet ta kishte.

Kreu i PD-së deklaroi se partia nuk është vetëm e atyre që jetojnë në Shqipëri, por dhe e diasporës.

Më tej, në fjalën e tij Berisha tha se është e rëndësishme që këto mangësi të renditura prej tij të marrin përgjigje statutore.

Kryedemokrati u shpreh se zgjidhjet në parti nuk duhet të jenë çështje e vullnetit të kryetarit apo kryesisë së partisë, por të jenë garanci statutore.

 

 

“PD ka një problem themelor që duhet t’i japë përgjigje sa më parë. Procedurat e përcaktuara nga kjo parti, u mungon karakteri universal që duhet të ketë partia. Në kuptimin që kjo nuk është parti e atyre që jetojnë vetëm në Tiranë, Tropojë e Gjirokastër, por dhe e atyre që jetojnë në diasporë. Nuk është parti e degëve të saj në Shqipëri, por është parti dhe e degëve të saj në diasporë. Në këtë kontekst është e domosdoshme që këto mangësi të marrin përgjigje statutore. Nuk duhet të jenë zgjidhjet çështje vullneti të kryetarit apo kryesisë së partisë. Zgjidhjet duhet të jenë garanci statutore. Korrigjojmë padrejtësinë që është bërë ndaj diasporës dhe kjo padrejtësi duhet të finalizohet me përcaktime të qarta në statutin e partisë”, tha Berisha.





Lajmet e fundit nga