web counter
LEXO PA REKLAMA!

SHKARKO APP

App Store
Google Play

Shehaj: 35 vite më vonë, të korruptuarit po dalin më në fund para drejtësisë

29 Dhjetor 2025, 16:02, Politikë CNA

Shehaj: 35 vite më vonë, të korruptuarit po dalin më në

Kreu i Partisë Mundësia dhe deputeti Agron Shehaj e cilësoi si një ndryshim historik daljen para drejtësisë të politikanëve të korruptuar të vendit, pas më shumë se tre dekadash.

Në një dalje televizive, Shehaj u shpreh se nuk është në mbrojtje të luftës kundër korrupsionit vetëm se luftohet kundërshtari politik.

Shehaj shtoi se partia e tij ka si qëllim të mbledhë firma të qindra mijëra qytetarëve që janë me drejtësinë.

“E rëndësishme që zëri i atyre që janë të ndershëm dhe që janë me drejtësinë të dëgjohet. Kemi si qëllim të mbledhim me mijëra edhe me qindra mijëra firma të qytetarëve që janë me drejtësinë dhe jo me të korruptuarit. Arsyeja është se duhet të luftojmë kundër të gjithë atyre që duan të denigrojnë drejtësinë, të ndalojnë ndryshimin e madh dhe të shkruajnë atë që po ndodh në Shqipëri si padrejtësi dhe jo si drejtësi të vërtetë. 35 vite më vonë po ndodh një ndryshim tjetër historik dhe më në fund të korruptuarit që kanë sunduar Shqipërinë po dalin para drejtësisë. Na thonë shpesh pse nuk bashkoheni? Me kë të bashkohemi. Ose je me drejtësinë ose nuk je. Nuk mund të jesh në mbështetje të luftës së korrupsionit për sa kohë ka të bëjë me kundërshtarin tënd politik, por askush nuk mund të thotë se jam në mbrojtje vetëm se luftohet kundërshtari”,-tha Shehaj./CNA

 

 

 

 





Lajmet e fundit nga