web counter
LEXO PA REKLAMA!

SHKARKO APP

App Store
Google Play

Berisha uron Albin Kurtin: Fushatë dinjitoze, sukses frymëzues për Shqipërinë

29 Dhjetor 2025, 15:27, Politikë CNA

Berisha uron Albin Kurtin: Fushatë dinjitoze, sukses frymëzues

Kryedemokrati Sali Berisha ka ndarë një mesazh lidhur me zgjedhjet e mbajtura në Kosovë, që i cilëson si një sukses frymëzues për Shqipërinë.

Përmes një postimi në rrjetet sociale, Berisha ka uruar kryeministrin në detyrë dhe kreun e Lëvizjes Vetëvendosje Albin Kurti për fitoren.

Ndër të tjera, Berisha shpreh vlerësimet për qëndrimet dinjitoze të partive politike gjatë fushatës dhe respektimin e vendimit të qytetarëve.

“Zgjedhjet Parlamentare të 28 dhjetorit 2025 në Kosovë, një sukses frymëzues për Shqipërinë.

Të dashur miq, dje Kosova zhvilloi zgjedhjet palamentare të parakohshme, të dytat në një hark kohor 10 mujor. Këto zgjedhje për fushatën, procedurën e votimit, garën e lirë, administrimin e votës ishin një sukses i vërtetë i demokracisë së re të Kosovës dhe mbarë qytetarëve të saj dhe shpresoj një frymëzim për shqiptarët në Shqipëri, ku armiku i egër i votës së lirë të qytetarëve shqiptarë, Ramaduro i Europës, ka shndërruar procesin jetik të zgjedhjeve të lira në farsë të shëmtuar elektorale.

Me këtë rast dua të uroj përzemërsisht qytetarët e lirë të Kosovës, autoriteret e vendit dhe institucionet e administrimit të procesit zgjedhor dhe forcat politike për arritjen e vërtetë të rendit demokratik të vendit të tyre.

Uroj fituesin e zgjedhjeve Z. Albin Kurti për fitoren e thellë të këtyre zgjedhjeve, por edhe të gjitha forcat e tjera politike për pjesëmarrjen dhe qëndrimet e tyre dinjitoze gjatë fushatës dhe respektimin e vendimit të sovranit. Dhe njëherë urime Kosovës, krenari e shqiptarëve!”,-shkruan Berisha./CNA

 





Lajmet e fundit nga