web counter
LEXO PA REKLAMA!

SHKARKO APP

App Store
Google Play

"Ka kursyer 7600 vite pritje ose 25 mijë rrotullime rreth Tokës"/ Rama: Nuk kam pse jap dorëheqjen për AKSHI-n

30 Dhjetor 2025, 12:41, Politikë CNA

"Ka kursyer 7600 vite pritje ose 25 mijë rrotullime rreth

Kryeministri Edi Rama, në konferencën e sotme me gazetarët, u pyet nëse do të japë dorëheqjen pas hetimeve të nisura ndaj AKSHI-t.

Rama u përgjigj se nuk ka pse të japë dorëheqjen për AKSHI-n pasi AKSHI është një institucion krenarie për qeverinë.

Kryeministri tha se AKSHI ka kursyer për shqiptarët 620 miliardë lekë si dhe shumë kohë radhë pritje. Rama duke bërë batuta tha se AKSHI ka kursyer 7600 vite pritje në radhë që janë 25 mijë rrotullime rreth Tokës.

Falë AKSHI-t, tha Rama, 3.4 milionë shqiptarë janë përdorues të platformës e-Albania.

Më tej, në fjalën e tij Rama tha se do të dilet me versionin 2.0 të e-Albania-s dhe kjo vetëm falë AKSHI-t.

 

“I keni parë reagimet e të tjerëve kur u preket floku se ça thonë. Por nuk keni për të dëgjuar nga unë as sharje apo akuza që shkojnë në formatin e presionit dhe kërcënimit të këtyre organeve. Ky është një proces i pashmangshëm drejt konsolidimit. Për ça të jap dorëheqjen? Për AKSHI-n? AKSHI është një institucion krenarie për ne, që të jemi shumë të qartë bashkë, jo për të ulur kokën. Është një institucion për të qenë krenarë sepse kemi qenë këtu ne kur duhet të shkonit të mbanit radhë për të marrë çdolloj letre dhe kur ata që ishin jashtë duhet të vinin këtu. 620 miliardë lekë ka kursyer AKSHI për shqiptarët, falë digjitalizimit, ky është studim ndërkombëtar.

AKSHI ka kursyer 7600 vite pritje në radhë, janë 25 mijë rrotullime rreth tokës. Imagjinoni shqiptarët duke i shkuar 25 mijë herë tokës vërdallë. Falë atij AKSHI-t 3.4 milionë shqiptarë janë përdorues të platformës e-Albania.

Një nga arsyet pse po ecim aq shpejt me BE-në është AKSHI. Skuadra e AKSHI-t ka një sërë garash të fituara brenda NATO-s dhe brenda BE-së. Do të dalim me e-Albania 2.0. Dhe kjo do të bëhet vetëm falë AKSHI-t”, tha Rama.





Lajmet e fundit nga