web counter
LEXO PA REKLAMA!

SHKARKO APP

App Store
Google Play

E fundit!

x

“Qeveria, me 10 dështime”/ Teliti: Qytetarët meritojnë dinjitet, jo justifikime

1 Janar 2026, 17:19, Politikë CNA

“Qeveria, me 10 dështime”/ Teliti: Qytetarët

Demokrati Dorjan Teliti ka ndarë sot një kritikë lidhur me qeverisjen socialiste gjatë vitit 2026.

Përmes një postimi në rrjetet sociale, Teliti rendit dhjetë dështimet kryesore, siç i quan ai, ndër të cilat përmend skandalet me tenderat, inflacionin dhe problematika të tjera sociale.

“10 DËSHTIMET KRYESORE TË QEVERISË GJATË VITIT 2025!

1. Pa minimumin jetik, qindra mijëra familje jetuan nën kufirin e varfërisë. Pabarazi sociale dhe hendek në rritje.

2. Pensione që nuk garantuan as mbijetesën minimale dinjitoze.

3. Çmime të larta dhe inflacion pa masa mbrojtëse reale ndaj shtresave më të ekspozuara. Rritje pagash fiktive, fuqi blerëse reale në rënie.

4. Buxhet pa ndjeshmëri sociale, larg halleve të qytetarëve, ama afër orekseve të klientelës.

5. Pasiguri dhe mungesë besimi në ekonomi ishin kryefjalë e vitit 2025.

6. Presion fiskal në rritje mbi biznesin e vogël, mesëm e të madh. Taksat u rriten, investimet publike dhe shërbimet jo.

7. Informalitet i lartë dhe konkurrencë e pandershme. I pandershmi fitoi, i ndershmi jo.

8. Mungesë mbështetjeje për prodhimin vendas. Bujqësi e braktisur dhe subvencione minimale. Industri e goditur dhe e falimentuar.

9. Emigracion ekonomik i pandalur, rinia vazhdoi të largohej njësoj si më parë. Shkretim social dhe ekonomik i vendit.

10. Skandalet me tendera e koncesione...dështim moral i qeverisjes përballë varfërisë dhe pabarazisë.

Viti 2025 u mbyll me familje më të varfra, biznese më të lodhura dhe një shtet që ka zgjedhur propagandën në vend të zgjidhjeve.

Qytetarët meritojnë dinjitet, jo justifikime”,-shkruan Teliti./CNA

 





Lajmet e fundit nga