web counter
LEXO PA REKLAMA!

SHKARKO APP

App Store
Google Play

Meta: 2026, uroj të jetë viti i përkushtimit të madh për një Shqipëri më të drejtë

31 Dhjetor 2025, 21:03, Politikë CNA

Meta: 2026, uroj të jetë viti i përkushtimit të madh

Kryetari i PL, Ilir Meta, u ka uruar shqiptarëve Vitin e Ri 2026 përmes një postimi në rrjetet sociale. Meta uron që viti që presim të afrojë shqiparët.

Mesazhit të tij nuk i ka shpëtuar as drejtësia, pasi uron që në 2026 të ketë drejtësi për të gjithë.

Qoftë 2026 viti i përkushtimit të madh për një Shqipëri më të drejtë, më sociale dhe më njerëzore shkruan ai.

Gëzuar Vitin e Ri 2026!

Të dashur qytetarë shqiptarë,
Nga zemra ju uroj një Vit të Ri me shëndet, paqe, gëzim dhe mbarësi për ju, për familjet tuaja dhe për të gjithë të dashurit tuaj, kudo që ndodhen.
Me besim në vlerat tona të përbashkëta dhe me sytë nga e ardhmja, ta mirëpresim 2026 si vitin e bashkimit, të guximit qytetar dhe të ringritjes së shpresës.
Le të jetë ky një vit që na afron më shumë me njëri-tjetrin dhe na jep forcën për të ecur përpara, të vendosur përballë sfidave.
Qoftë 2026 viti i përkushtimit të madh për një Shqipëri më të drejtë, më sociale dhe më njerëzore, ku ligji zbatohet njësoj për të gjithë, ku liritë dhe dinjiteti njerëzor janë të shenjta dhe respektohen plotësisht.
Ku ka mundësi dhe shpresë për çdo qytetar, dhe ku çdo shqiptar të jetojë me dinjitet, siguri dhe mirëqenie në shtëpinë tonë të dashur, Shqipërinë, ku e ardhmja të ndërtohet mbi ndershmërinë, besimin dhe ligjin.
Gëzuar 2026, Vitin e Ndryshimit, të Lirisë dhe të Shpresës së re për të gjithë shqiptarët!,shkruan Meta./CNA





Lajmet e fundit nga