web counter
LEXO PA REKLAMA!

SHKARKO APP

App Store
Google Play

"Kërkesa e gjyqtarëve për rritje pagash, kërcënim"/ Rama: Destabilizim me 83 mandate nuk bën dot as dreqi vetë

30 Dhjetor 2025, 13:38, Politikë CNA

"Kërkesa e gjyqtarëve për rritje pagash,

Kryeministri Edi Rama, në konferencën tradicionale me gazetarët ka folur edhe për kërkesën e gjyqtarëve për rritje rroge.

Rama tha se të gjithë e dinë se rritja e pagave është ekzkluzivitet i dy pushteteve dhe Gjyqësori nuk është pjesë.

Më tej kryeminsitri tha se kërkojnë rritje page ata që kanë pagat më të larta nga gjithë të tjerët dhe kjo tha Rama mund të shkaktojë dhe një kërcënim ndaj shtetit në sektorin e pagave dhe ekonomisë.

Megjithatë tha Rama nuk mund të ketë destabilizim, pasi me 83 mandate që zotëron PS askush nuk mund të krijojë destabilizim.

 

“Nuk u bën përshtypje që mblidhen shoqatat e gjyqtarëve dhe duan t’i rrisin rrogën vetes me gjyq. Pse nuk ia rrisni dhe ju vetes rrogën me gjyq. Pse nuk çohen mësuesit t’ia rrisin vetes pagën me gjyq? Sepse askush nuk ka bindjen se ka në dorë dhe gurin dhe arrën. Sepse të gjithë e dinë që rritja e pagave është ekskluzivitet i dy pushteteve të tjera, jo i Gjyqësorit. Si ka mundësi që këta duan t’ia rrisin pagat vetes, ndërkohë që i kanë disa herë më të larta se tonat. Nuk mund të pres që kura të bëhet më e rëndë se sëmundja, duhet ta parandaloj. Ç'do të thotë kjo, do të thotë që të humbasim 10% të GDP-së. Gjithë kjo punë që kemi bërë për të ngritur administratën të kthehet në bumerang. Se kur bëhet 7x7=42 interpretimi i procedurave dhe tenderëve atëherë gjithkush mund të jetë i kërcënuar.

Janë dy momente kur flasim për kërcënim ndaj shtetit, se destabilizim me 83 mandate nuk bën dot as dreqi vetë. Kërcënimi bëhet me ekonominë dhe pagat”, tha Rama./CNA





Lajmet e fundit nga