web counter
LEXO PA REKLAMA!

SHKARKO APP

App Store
Google Play

"Raporti, radiografi e pamëshirë e qeverisjes"/ Berisha: Deklaratat për shkëlqim si të Donald Lu-së

5 Nëntor 2025, 13:20, Politikë CNA

"Raporti, radiografi e pamëshirë e qeverisjes"/ Berisha:

Kryetari i Partisë Demokratike, Sali Berisha, në një deklaratë nga selia blu citoi edhe një herë progres-raportin e KE-së për Shqipërinë.

Berisha tha se nuk thuhet askund që Shqipëria shkëlqen, por se korrupsioni lulëzon dhe qeveria përdor institucionet dhe zgjedhjet janë të deformuara.

"Raporti i Komisionit Europian thotë se problemi madhor i Shqipërisë është mënyra se si qeveria i përdor institucionet për përfitime politike dhe ekonomike.

Ky raport është një aktakuzë ndaj qeverisjes aktuale ku theksohet se zgjedhjet janë të deformuara.

Ndonëse KE nuk është një komision i specializuar për zgjedhjet, por ai merr të mirëfilltë ato që institucionet e besimit të mirë shkruajnë, dhe thotë se zgjedhjet ishin të deformuara.

Thotë se korrupsioni lulëzon, se kontrolli parlamentar mbi qeverisjen ka degraduar, se sistemi gjyqësor është në kolaps, krimi i organizuar është tejet i fuqishëm.

Thotë se media është tërësisht e kontrolluar dhe e sulmuar.

Thotë se administrata është e politizuar dhe fondet publike keqmenaxhohen.

I kanë bërë një radiografi të pamëshirë narkoregjimit të Edi Ramës.

Unë e di se ndonjëri mund të thotë, ja ambasadori foli për shkëlqim, të tjerë në komision thanë të njëjtën gjë, unë ju garantoj juve se në asnjë rresht, në asnjë fjalë nuk përdoret fjala shkëlqim, fjala e jashtëzakonshme, asnjë nga këta cilësorë nuk ekziston në raportin e Komisionit Europian.

Që të gjitha janë shpikje pasiononte të individëve të caktuar që kërkojnë t’u dezinformojnë ju, t’u fshehin të vërtetat që përmban raporti.

Ky është raporti".

Berisha komentoi deklaratat e ambasadorit Gonzato ditën e sotme dhe tha se i shëmbëllejnë me deklaratat e ish-ambasadorit amerikan Donald Lu.

"Nuk thotë askund progres i shkëlqyer. Në asnjë rresht.

Prandaj mos dëgjoni se këto deklarata u shëmbëllejnë deklaratave të Donald Lu që thoshte në kulmin e kanabizimit të vendit se përgëzoj policinë për suksesin në luftën e jashtëzakonshme kundër drogës.

Të dalësh dhe t’u thuash shqiptarëve atë që nuk thotë raporti, nuk është kjo ajo që presin shqiptarët.

Raporti thotë se demokracia nis me zgjedhjet, siç është e vërteta.

Zgjedhjet janë të manipuluara dhe jo të lira. Komisioni thekson: mungesë të fushës së lojës të barabartë", tha Berisha./CNA

 

 





Lajmet e fundit nga