web counter
LEXO PA REKLAMA!

SHKARKO APP

App Store
Google Play

E fundit!

x

Progres-raporti për Shqipërinë/ Gonzato: Zgjedhjet konkurruese, por u shënjuan nga mangësi

5 Nëntor 2025, 11:30, Politikë CNA

Progres-raporti për Shqipërinë/ Gonzato: Zgjedhjet konkurruese,

Ambasadori i Bashkimit Europian në Shqipëri, Silvio Gonzato, ka zhvilluar një konferencë me kryeministrin Edi Rama, për dorëzimin e progres-raportit për Shqipërinë.

Në fjalën e mbajtur Gonzato tha se raporti publikohet në një moment shumë të rëndësishëm për integrimin e Shqipërisë.

Më tej, Gonzato u ndal te përmbushja e objektivave nga Shqipëria, ku tha se duhet të përshpejtohet ritmi i reformave. Parësore për këtë është përmbushja e atyre që quhen piketa të menjëhershme.

Ambasadori u ndal edhe te zgjedhjet, ku tha se BE u bazua te gjetjet e OSBE/ODIHR-it. Gonzato deklaroi se zgjedhjet u shënjuan nga mangësi të konsiderueshme që çuan në pabarazi të garës.

 

“Dje KE miratoi paketën e zgjerimit për vitin 2025, që përfshin dhe raportin vjetor për Shqipërinë.

Raporti i këtij viti publikohet në një moment shumë të rëndësishëm për integrimin e Shqipërisë në BE. E gjithë kjo është arritur me një shpejtësi të jashtëzakonshme. Përgëzoj autoritetet shqiptare për këtë. Po hyjmë në një fazë vendimtare ku do të testohet aftësia e Shqipërisë për t'u përafruar me standardet e BE-së.

Bashkimi Europian do të disbursojë 93.3 milionë euro për Shqipërinë. Për të përmbushur objektivat Shqipëria duhet të përshpejtojë ritmin e reformave. Parësore është përmbushja e atyre që quhen piketa të menjëhershme. Pa përmbushjen e tyre nuk mund të përmbyllet as provizorisht ndonjë grupkapitull tjetër.

 

Periudha e raportimit mbulon 1 shtator 2024 deri 1 shtator 2025. Gjetjet e këtij raporti prezantojnë përparësite dhe sfidat që ne kemi prezantuar gjatë gjithë vitit. Raporti kujton se dinamika aktuale duhet të përkthehet në reforma më të shpejta në përputhje me standardet e BE-së.

Raporti vlerëson që funksionimi i institucioneve demokratike është sfiduar pjesërisht. Zgjedhjet ishin konkurruese, por u shënjuan nga mangësi të konsiderueshme që përfshijnë përdorimin e burimeve publike, që çuan në pabarazi në garë. Raporti thekson se në lidhje me me funksionimin e Gjyqësorit Shqipëria ka bërë përparime”, deklaroi Gonzato.





Lajmet e fundit nga