web counter
LEXO PA REKLAMA!

SHKARKO APP

App Store
Google Play

E fundit!

x

Raporti i KE për Shqipërinë/ Këlliçi: Një skaner i keqqeverisjes në vend

4 Nëntor 2025, 20:32, Politikë CNA

Raporti i KE për Shqipërinë/ Këlliçi: Një skaner

Deputeti i PD-së Belind Këlliçi ka komentuar raportin e Komisionit Europian për progresin e Shqipërisë.

Përmes një reagimi në rrjetet sociale, Këlliçi thekson se është një skaner i keqqeverisjes në vend.

Sipas tij në raport janë evidentuar problematika të të rënda në të gjithë sektorët kyç të mirëfunksionimit të shtetit dhe procesit të anëtarësimit në BE.

Këlliçi nënvizon se, integrimi në Bashkimin Europian dhe zhvillimi shoqëror demokratik i Shqipërisë e kërkon në mënyrë urgjente rrëzimin e narko-autokratit ballkanas.

“Raporti i progresit për Shqipërinë nga Komisioni Europian, një skaner i keqqeverisjes në vend.

Për këdo që lexon këtë raport, përjashtuar propagandistët e partisë-shtet, vihen re problematika të rënda në të gjithë sektorët kyç të mirëfunksionimit të shtetit dhe procesit të anëtarësimit në BE.

Kushtet e pabarabarta në zgjedhje, raporti toksik i qeverisë me gjyqësorin, klima e rënduar dhe tejet e kontrolluar mediatike janë shenjat e një autokracie e cila e godet shtetin në themelet e tij demokratike: zgjedhjet e lira, ndarja e pushteteve, liritë themelore si liria e fjalës.

Integrimi në Bashkimin Europian dhe zhvillimi shoqëror demokratik i Shqipërisë e kërkon në mënyrë urgjente rrëzimin e narko-autokratit ballkanas.

Asnjë llogari gjeopolitike nuk e amniston Edi Ramën.

Vetëm një qeveri demokratike, e ndershme karshi qytetarëve dhe respektuese e institucioneve mund të realizojë aspiratë e madhe europiane të kombit shqiptar”, shkruan Këlliçi./ CNA





Lajmet e fundit nga