U propozua nga qeveria si ambasador në Zvicër/ Dredha: Do të punoj në fushat e sigurisë, emigracionit dhe rendit publik

4 Nëntor 2025, 12:59, Politikë CNA

U propozua nga qeveria si ambasador në Zvicër/ Dredha: Do të

Komisioni për Europën dhe Punët e Jashtme ka zhvilluar seancë dëgjimore me kandidatin për në krye të Misionit Diplomatik, Ermal Dredha. Dredha u propozua nga qeveria si kandidat për Ambasador të Jashtëzakonshëm dhe Fuqiplotë të Republikës së Shqipërisë, në Konfederatën e Zvicrës dhe Ambasador të Jashtëzakonshëm dhe Fuqiplotë i Republikës së Shqipërisë në Principatën e Lihtensheinit.

Dredha deklaroi se do të forcojë marrëdhëniet dypalëshe mes Shqipërisë e Zvicrës dhe vendit tonë e Lihtensheinit. Ai deklaroi se do të punojë për forcimin e imazhit të vendit tonë në këto shtete.

Kandidati Dredha tha se do të punojë në fushat e sigurisë, menaxhimit të emigracionit rendit publik dhe mbrojtjes civile.

"Marrëdhëniet mes Shqipërisë dhe Zvicrës janë të qëndrueshme, të konsoliduara, të bazuara në besim dhe në bashkëpunim të ndërsjellë në fusha të shumta politike, ekonomike dhe shoqërore.

Zvicra ka qenë një nga partnerët me të qëndrueshëm të Shqipërisë në tri dekadat e fundit, me një kontribut zhvillimor që ka ndihmuar në zhvillimin e institucioneve dhe decentralizimin ekonomik.

Sa u përket marrëdhënieve dypalëshe dhe forcimit të mëtejshëm të dialogut politik institucional mes dy vendeve duke ruajtur ritmin e kontakteve të nivelit të lartë dhe duke thelluar bashkëpunimin në fushat e sigurisë, menaxhimit të emigracionit, rendit publik dhe mbrojtjes civile.

Një vëmendje e veçantë do t’i kushtohet marrëdhënies me organizatat ndërkombëtare në Gjenevë.

Shoh se diaspora shqiptare në Zvicër është e përhapur.

Do të synohet bashkëpunimi me OJF shqiptare dhe do të bëhet identifikimi i studentëve shqiptarë në Zvicër dhe do të bëhet një database i shtetasve shqiptarë.

Do të promovojmë trashëgiminë tonë kulturore përmes aktiviteteve dhe ekspozitave.

Do të promovojmë potencialin turistik të vendit tonë dhe do të identifikojmë shqiptarët me kontribut.

Marrëdhëniet janë historike, do të zhvillojmë edhe marrëdhëniet me Lihtenshteinin, duke kryer konsultime të rregullta të paktën një herë në vit", deklaroi Dredha./CNA