web counter
LEXO PA REKLAMA!

SHKARKO APP

App Store
Google Play

E fundit!

x

Vendimi për Veliajn/ Teliti: I qëllimshëm, që t’i lihej një dritare hapur

3 Nëntor 2025, 22:25, Politikë CNA

Vendimi për Veliajn/ Teliti: I qëllimshëm, që t’i

Për nënkryetarin e Këshillit Bashkiak të Tiranës, Dorian Teliti vendimi i marrë sot nga Gjykata Kushtetuese pro Erion Veliajt ishte i pritshëm.

Ai tha se vendimi nuk ishte surprizë pasi në procedurat për kërkimin e shkarkimit të tij nuk duhej të ishte për mungesë në punë por për shkelje të rënda si shembja e teatrit etj.

I ftuar në emisionin Log, Teliti tha se ky vendim ishte i qëllimshëm që t'i lihej një dritare hapur Veliajt. 

“Vendimi i sotëm nuk ishte surprizë e kemi denoncuar që pas Asamblesë së PS, që kur mazhoranca nuk pranoi të vepronte me opozitën për një kat të përbashkët. Ne kërkuam të zbatohej procedura dhe Veliaj të dëgjohej.

Kërkuam që për shkarkimin të mos përfshihej vetëm mungesa e tij 3 muaj në punë, por edhe shkelje të tjera.

Janë të shumta arsyet që duhet shkarkuar Veliaj. Mjafton të përmendim vendimin e GJK për mos prishjen e Teatrit dhe një vendim i 2016, shkresë zyrtare ku Veliaj firmoste angazhimin financiar në emër të Bashkisë pa pyetur Këshillin.

Mendoni se mazhoranca nuk ka mjaftueshëm ekspertë ligjorë? Ishte e qëllimshme që t’i lihej një dritare hapur Veliajt, në varësi se si zhvilloheshin punët brenda mazhorancës”, tha ai./ CNA





Lajmet e fundit nga