web counter
LEXO PA REKLAMA!

SHKARKO APP

App Store
Google Play

Qori: Zgjedhje në Tiranë do të ketë, ndoshta në 2027-ën

3 Nëntor 2025, 21:12, Politikë CNA

Qori: Zgjedhje në Tiranë do të ketë, ndoshta në

Kreu i Lëvizjes Bashkë, Arlind Qori ka deklaruar në emisionin e Ylli Rakipit, Të Paekspozuarit se vendimi i Gjykatës Kushtetuese për Veliaj nuk ishte i drejtë.

Qori është shprehur se, është absurd intepretimi që mund të mbash një zyrtar në burg dhe prapë të qëndrojë në detyrë.

“Po afërmendsh nuk më duket vendimi i drejtë dhe dyshoj se nuk kanë pasur lirinë për të vendosur si gjykatës. Është absurd intepretimi që mund të mbash një zyrtar në burg dhe prapë të qëndrojë në detyrë.

Kjo nuk është gjëja më e rëndësishme. Ramës i kanë dalë llogaritë keq pasi vendosi ta shkarkonte.  Rama nuk e ka pritur që ai të rezistonte dhe t’i qëndronte me kryeneqësi. Nuk e ka pritur që institucionet të merreshin kaq shpejt me Belinda Ballukun.  Ka patur shenja të përçarjeve të brendshme brenda PS. Ka pasur kritika të brendshme që dilnin në sipërfaqe të PS. Kandidatura e Manastirliut është e dobët.

Manastirliu është përfaqësuse e një partie të korruptuar me shumë probleme gjatë qeverisjes së Ministrisë së Shëndetësisë dhe Ministrisë së Arsimit.

Edi Rama për t’i ngritur profilin publik Manastirliut shpërndan videot në facebookn e tij. Është një kandidate e dobët”, tha Qori.

Më tej Qori tha se pavarësisht zgjedhje do të ketë në Tiranë, qoftë dhe në 2027.

“Zgjedhje do të ketë në Tiranë. Se kur… ndoshta në 2027 por gjithsesi nuk ndryshon ndonjë gjë e madhe. Kjo pakënaqësi ka për të gjetur rrugëshprehjen e vet”, u shpreh Qori./ CNA

 





Lajmet e fundit nga