web counter
LEXO PA REKLAMA!

SHKARKO APP

App Store
Google Play

"Ligji aktual për librin nuk i përgjigjet më kohës"/ Pipa: Propozimi i ri synon t'u përshtatet transformimeve

4 Nëntor 2025, 11:09, Politikë CNA

"Ligji aktual për librin nuk i përgjigjet më

Komisioni për Çështjet Ligjore dhe Administratën Publike ka shqyrtuar projektligjin “Për disa shtesa dhe ndryshime në ligjin nr.9616, datë 27.9.2006, 'Për librin në Republikën e Shqipërisë', të ndryshuar”.

Projektligji është prezantuar nga zëvendësministrja Lira Pipa, e cila ka deklaruar se synon të përmirësojë qasjen publike ndaj librit dhe të rregullojë tregun e botimeve.

Pipa tha se paralelisht është duke u punuar për ligjin për të drejtat e autorit. Zëvendësministrja ngriti problematikat që ka ligji aktual dhe tha se ai nuk i përgjigjet më kohës.

"Nisma synon të vendosë themele të qëndrueshme, të përmirësojë qasjen publike dhe të rregullojë tregun e botimeve, synohet që libri të kthehet në qendër të kulturës. Ligji aktual nuk u përgjigjet më ndryshimeve sepse transformimi digjital e bën të nevojshme ndërhyrjen.

Ky ndryshim synon t’u përgjigjet ndryshimeve teknologjike dhe t’i përshtatet kohës.

Në Qendrën Kombëtare të Librit dhe Leximit do të kemi një parashikim ligjor për librin digjital dhe botime për personat me aftësi të kufizuara.

Po punohet edhe për projektligjin për të drejtat e autorit lidhur me kopjen digjitale.

Do të ngrihet një Këshill i përbërë nga drejtoresha e QKLL, drejtori i BK, mbledhjet bëhen pa pagesë, 2 anëtarë do të jenë nga grupet  e interesit, ky këshill do të jetë konsultativ", deklaroi Pipa./CNA

 

 





Lajmet e fundit nga