web counter
LEXO PA REKLAMA!

SHKARKO APP

App Store
Google Play

E fundit!

x

Nga janari 2026 nis rritja e pensioneve/ Rama: Do të jetë e përmuajshme

4 Nëntor 2025, 09:49, Politikë CNA

Nga janari 2026 nis rritja e pensioneve/ Rama: Do të jetë e

Kryeministri Edi Rama, përmes një videoje në rrjetet sociale, ka ndarë lajmin se duke nisur nga janari 2026 pensionet do të rriten çdo muaj.

Rama tha se dje ka kaluar në Parlament Projektbuxheti 2026 dhe deklaroi se ashtu siç u premtua në fushatë rritja e pensioneve do të realizohet.

"Mbrëmë i përcollëm Parlamentit 'Projektbuxhetin 2026' dhe jam i lumtur sot, s’e kam përdorur ndonjëherë këtë fjalë, por po u them pesnionistëve se siç u zotuam në fushatë ky mandat do të jetë mandati i rritjes së pensioneve.

Pikërisht sepse nuk jemi më ai vendi që mezi mbahej, por një vend me ekonomi të qëndrueshme mund ta bëjmë atë për të cilën u zotuam.

Pensionistët tanë do të marrin këtë fundvit bonusin dhe nga janari do të kenë një rritje tashmë të shtrirë çdo muaj me indeksimin e përvitshëm natyrisht.

Sipas kategorive, në fund të mandatit duhet të arrijmë që pensioni mesatar të rritet si më poshtë:

Pensioni me vite të plota pune të shkojë 40 mijë lekë nga 27 mijë e 350 lekë që është sot.

Pensioni urban i pjesshëm do të shkojë mesatarisht 22 mijë lekë të rinj nga 15,850 lekë që është sot.

Pensioni rural të shkojë 18 mijë lekë të rinj nga 11,500 lekë që është sot.

Pensioni i invaliditetit të shkojë 30 mijë lekë të rinj nga 20 mijë lekë që është sot.

Nga janari i vitit 2026 pensionet do të rriten çdo muaj përtej indeksimit.

Siç e kam thënë gjithnjë, kjo është pjesa më e vështirë e politikës financiare të një vendi, pensionet, por më në fund, pikërisht sepse nuk jemi më ai vendi që mezi mbajmë këmbë, po jemi një vend me një ekonomi të qëndrueshme që rritet çdo vit, mund ta bëjmë atë për të cilën u zotuam. Të arrijmë vit pas viti të rrisim pensionet sipas objektivave të shpallura për secilën kategori.

Pensioni urban në vitet të plota pune do të rritet 1 mijë e 800 lekë,

Pensioni urban i pjesshëm do të rritet 800 lekë,

Pensioni rural do të rritet 1 mijë lekë,

Pensioni familjar do të rritet 700 lekë,

Pensioni i invaliditetit do të rritet 600 lekë.

Në vitet në vijim, të njëjtat shifra do të dyfishohen për secilën kategori në 2027, do të trefishohen 2028, do të katërfishohen 2029 për të arritur vlerën e premtuar në qershor të këtij viti, ku shqiptarët na dhanë plot 83 mandate.

Ky jam unë, këta jemi ne.

Them dhe themi atë që bëjmë dhe bëjmë gjithnjë atë që themi," deklaroi Rama./CNA

 

 

 

 

 





Lajmet e fundit nga