web counter
LEXO PA REKLAMA!

SHKARKO APP

App Store
Google Play

Vendimi i Kushtetueses për Veliajn/ Rama: Ja që nuk i paskam kapur unë të tëra pushtetet

4 Nëntor 2025, 12:07, Politikë CNA

Vendimi i Kushtetueses për Veliajn/ Rama: Ja që nuk i paskam kapur

Kryeministri Edi Rama ka reaguar sot pas vendimit të djeshëm të dhënë nga Gjykata Kushtetuese për Erion Veliajn.

Përmes një postimi në platformën ‘X’, Rama shprehet se vendimi tregon se pushtetet nuk janë të kapura prej tij.

Më tej, Rama ndan disa shpjegime lidhur me rastin dhe si mund të ndikojë te drejtimi i kryeqytetit. 

"Disa rrjedhime logjike nga vendimi i Gjykatës Kushtetuese:

1. Ja që edhe njëherë u provua se nuk i paskam kapur unë të tëra pushtetet dhe kjo është një gjë sa e qartë, aq edhe e mirë apo jo.

2. Nëse Tirana nuk do të ketë zgjedhje deri në 2027-ën dhe Kushtetuesja mendon se kryebashkiaku i burgosur i Tiranës nuk mund të largohet përveçse me zgjedhje, atëherë disproporcioni i mbajtjes së tij në qeli nuk është më thjesht në dëm të lirive e të drejtave kushtetuese të personit, po edhe në dëm të së drejtës kushtetuese të popullit të kryeqytetit për t’u shërbyer nga i zgjedhuri i vet apo jo.

3. Çdo njeri normal që nuk sheh tek qëndrimi i Kushtetueses një qëndrim të verbër kundër qeverisë në dëm të madh të Tiranës, po një qëndrim të vendosur  parimor, nuk ka se si të mos presë që me të njëjtën parimësi, kur të gjykojë paraburgimin e tij, Kushtetuesja ta kthejë Erion Veliajn në detyrë, për të vijuar procesin gjyqësor në gjendje të lirë apo jo.

Pika 1 dhe 2 janë të sigurta, pika 3 mbetet për t’u parë, ndërkohë le të urojmë që kushdo ka në dorë ta ndihmojë zgjidhjen e këtij ngërçi absurd, të kujtohet se kryeqyteti nuk mund të trajtohet si jetim, për vite me radhë",-shkruan Rama./CNA 

Vendimi i Kushtetueses për Veliajn/ Rama: Ja që nuk i paskam kapur





Lajmet e fundit nga