web counter
LEXO PA REKLAMA!

SHKARKO APP

App Store
Google Play

E fundit!

x

Koçiu dhe Proda inspektojnë e-Gate në Rinas/ Ministrja: Do të shërbehet me të njëjtin standard edhe në porte

4 Nëntor 2025, 13:23, Politikë CNA

Koçiu dhe Proda inspektojnë e-Gate në Rinas/ Ministrja: Do

Ministrja e Brendshme, Albana Koçiu, dhe drejtori i Përgjithshëm i Policisë së Shtetit, Ilir Proda, kanë inspektuar ditën e sotme Aeroportin Ndërkombëtar të Rinasit për të inspektuar sistemin e kalimit kufitar e-Gate.

Koçiu deklaroi se ky sistem do të implementohet edhe në portet e Durrësit dhe Sarandës dhe do të jetë efektiv gjatë sezonit turistik të ardhshëm.

"E vendosëm që bashkë me drejtorin të vinim sot, pikërisht edhe për të parë pak nga afër mënyrën moderne të kalimit të kufirit, duke pasur në konsideratë që aeroporti i Rinasit tashmë është kthyer në një destinacion, i cili fare mirë tregon për ndryshimin dhe zhvillimin e jashtëzakonshëm që ka marrë turizmi në vendin tonë, duke pasur një lëvizshmëri shumë të madhe, një fluks shumë të madh qytetarësh që qarkullojnë, që hyjnë dhe që dalin.

Do ta bëjmë efektiv, që në muajt e verës së sezonit të ardhshëm, për t’u shërbyer me të njëjtin standard edhe qytetarëve që lëvizin nëpërmjet detit. Një falënderim nga zemra për punën, përkushtimin dhe profesionalizmin që tregoni çdo ditë", u shpreh ministrja Koçiu.

 

 

 

 

 

 





Lajmet e fundit nga