E fundit!

09:56 Politikë

Konferenca dy ditore në Poloni për Rindërtimin e Ukrainës/ Rama mes liderëve pjesëmarrës

Kryeministri Rama do të marrë pjesë në Konferencën për Rin...

"U ngeli tullumbacja e mashtrimit në dorë"/ Berisha zbulon sa ishte shifra që PD-ASHM dha për LaCivita-n

4 Nëntor 2025, 13:30, Politikë CNA

"U ngeli tullumbacja e mashtrimit në dorë"/ Berisha zbulon

Kryetari i Partisë Demokratike, në një deklaratë për mediat ka zbardhur se shifra që PD-ASHM pagoi për konsulencën e Chris LaCivita-s në fushatën e 11 majit ishte 14-15 herë më e vogël se ajo që ka dalë në media.

Berisha tha se u organizua një fushatë si kurrë më parë dhe se ekipi i LaCivita-s nuk ishte përgjegjës për humbjen dhe vendosjen e asaj që kryedemokrati iu referua si diktaturë e Edi Ramës.

"Së pari, ju dhe çdo shqiptar, mësuat dje se shifra e paguar ishte 14 herë më e vogël nga ajo që shpalli Edi Rama dhe makineria e tij e mashtrimit.
Në rast se shkoni në mars të këtij viti, do të gjeni shifra 22 milionë e me radhë.
Dhe ju e patë, dhe shqiptarët e panë, se kjo shifër ishte jo 10, por 15 herë më e ulët.
Pra, tullumbacja e skandalit të tyre u shfry dhe atyre u ngeli mashtrimi në dorë.
Ekipi i LaCivita-s, pa diskutim ekipi më serioz i botës, me eksperiencën më të jashtëzakonshme.
Por, dhe bëri më të mirën e mundshme. Dhanë një ndihmë jashtëzakonisht të çmuar.
Organizuan një fushatë që shqiptarët nuk e kishin parë kurrë më parë.
Por ekipi i tyre nuk ishte përgjegjës për diktaturën autoritare të vendosur në Shqipëri nga Edi Rama".

Berisha tha se në Shqipëri ka farsë dhe prandaj beteja do të vijojë sepse fitorja e Edi Ramës është kallp.

"Në Shqipëri nuk ka zgjedhje, ka farsë.
Prandaj beteja vazhdon, kjo është betejë në vazhdim.
Ka pasur një betim solemn tonin, do të mbrojmë votën dhe ne kemi mbrojtur votën në mënyrën tonë.
Ne nuk jemi guerile, nuk e mbrojmë me armë, ne jemi parti demokratike, metodat tona janë paqësore.
I shpreh falënderimin tim qeverisë së SHBA-së që nuk e uroi Edi Ramën, pasi fitorja e tij është kallp. Zgjedhjet nuk ishin të lira dhe të ndershme. U përket qytetarëve tani të flasin.
Absolutisht kam besim më të pakufishëm se shqiptarët do të flasin", deklaroi Berisha./CNA