E fundit!

09:03 Aktualitet

Amnistia Penale hyn në fuqi, qindra të dënuar lënë sot burgjet/ Ja kush përfiton dhe kush përjashtohet

Ka nisur zbatimi i Amnistisë Penale, duke sjellë ndryshime...

"Si askund tjetër në Evropë", Xhaferri: Në Shqipëri, opozita privohet nga komisionet hetimore

4 Nëntor 2025, 18:17, Politikë CNA

"Si askund tjetër në Evropë", Xhaferri: Në

Deputeti i Partisë Demokratike, Besart Xhaferri është shprehur në një reagim në rrjetet sociale se ndërsa shoqëritë demokratike diskutojnë për fuqizimin e mekanizmave mbikëqyrëse te parlamentit mbi qeverinë, e kundërta ndodh në vendin tonë.

Ai shkruan se në Tiranë, mazhoranca voton në Kuvend kundër kërkesave të opozitës për komisione hetimore. Deputeti thekson se mbikëqyrja parlamentare është shtyllë themelore e qeverisjes demokratike, duke siguruar llogaridhënie të qeverive ndaj qytetarëve.

Xhaferri shkruan së këto fakte i ka evidentuar edhe gjatë fjalës së tij në Konferencën e Mbikëqyrjes Parlamentare të Evropës Juglindore, që u zhvillua në Varshavë, në 3 dhe 4 Nëntor, me kujdesin e OSBE-ODIHR, ku ai ishte i pranishëm së bashku me disa deputetë të tjerë të Kuvendit.

Postimi i plotë:

Në shoqëritë demokratike diskutojnë për fuqizimin e mekanizave mbikëqyrëse te parlamentit mbi qeverinë, në Tiranë mazhoranca në Parlament rrëzonë kërkesat e PD për komisione hetimore!

Mbikëqyrja parlamentare është një shtyllë themelore e qeverisjes demokratike, duke siguruar llogaridhënie të qeverive ndaj qytetarëve.

Kjo ishte kryefjalë e një studimi të kryer nga OSBE/ODIHR, që u bazua në parimet, mekanizmat dhe praktikat e mira të mbikëqyrjes, si dhe njohuri nga Njësia e Mbështetjes Legjislative mbi mjetet e shqyrtimit pasmiratues.

Ky studim u prezantua gjatë punimeve të Konferencës së Mbikëqyrjes Parlamentare të Evropës Juglindore, që u zhvillua në Varshavë të Polonisë, në datat 3 dhe 4 Nëntor, me kujdesin e OSBE-ODIHR.

Kënaqësi të isha i ftuar si përfaqësues i Grupit Parlamentar të PD dhe njëherazi Komisionit për Ekonominë, Financën dhe Punësimin, së bashku me kolegë të tjerë deputetë dhe përfaqësues të Kuvendit.

Në një prej sesioneve, u ekspozua fakti se si strukturat e komisioneve mund t’u japin parlamenteve kapacitet të qëndrueshëm për të mbajtur qeveritë përgjegjëse, duke u bazuar në përvojën e Komisionit për Kushtetutën të Parlamentit të Suedisë.

Përballë këtij realiteti, Shqipëria shënon regres, pasi në këtë vend opozita, si askund tjetër në Evropë, privohet nga komisionet hetimore.

Këtë fakt e evidentova gjithashtu gjatë fjalës time në punimet e kësaj konference, ku theksova se kërkesat e opozitës për komisione hetimore, lidhur me mega-aferat e ekzekutivit, rrëzohen me fuqinë e kartonave të mazhorancës në Parlament.

Ndërkohë që në Shqipëri buxheti miratohet në seanca që zgjasin vetëm 4 minuta, në shoqëritë demokratike promovohen praktikat e mbikëqyrjes fiskale, e cila i vendos parlamentet nën presion të vazhdueshëm për të siguruar transparencë dhe llogaridhënie në borxhin publik, buxhetin dhe shpenzimet. /CNA