"Drejtësia jonë po godet korrupsionin pa parë majtas e djathtas", Rama: Jemi në pritje të 83 fëmijëve të Diellës

4 Nëntor 2025, 17:47, Politikë CNA

"Drejtësia jonë po godet korrupsionin pa parë majtas e

Kryeministri Edi Rama ka marrë pjesë me lidhje live në samitin për Zgjerimin e Bashkimit Europian që po mbahet në Bruksel. Rama u shpreh gjatë fjalës së tij se Shqipëria po bën hapa të mëdhenj në luftën kundër korrupsionit. Ai u shpreh se drejtësia në vitet e fundit nuk po sheh as majtas as djathtas dhe po godet këdo që kryen korrupsion.

"Më lejoni t’ju kujtoj që Shqipëria është duke bërë diçka të paparë dhe unik në të gjithë rajonin. Reforma në drejtësi e jona dhe njohja jonë për pavarësinë e drejtësisë kanë krijuar shembullin që lufta kundër korrupsionit është diçka që shkon përtej fjalëve dhe fasadave. Dhe në mënyrë shumë të balancuar pa parë as majtas as djathtas. Çfarë nuk ka ndodhur kurrë më parë në Shqipëri që nga shpallja e pavarësisë po ndodh në vitet e fundit. Kjo është jo për të thënë se jemi më mirë se të tjerët por se e kemi marrë shumë seriozisht luftën kundër korrupsionit.", u shpreh ai.

Rama tha më tej se synon që brenda vitit 2027 prokurorimet publike të kryhen në mënyrë transparente me Inteligjencë Artificiale. Ai foli edhe për Diellën, ministren e gjeneruar me Inteligjencë Artificiale, ku tha se është në pritje “të lindjes së 83 fëmijëve” të saj. Kreu i qeverisë theksoi po ashtu se Shqipëria e ka të merituar vendin në BE.

"Diella është produkt i një lufte sistematike. Ne kemi qëllim që brenda 2027 prokurorimet publike do të kryhen në mënyrë transparente me Inteligjencë Artificiale. Jam i bindur që keni dëgjuar që Diella është shtatzënë dhe ka 83 fëmijë, dhe bazuar të ekoja e fundit duhet të presim që ajo të lindë këto fëmijët e saj. Dhe doja ju thoja që në jemi i vetmi vend në këtë process që përdorim IA në transferimin edhe s ai takon procesit të ligjeve, jo vetëm për përkthimin por dhe analizimin e impakteve dhe për të draftuar dhe përgatitur paketën ligjore për në parlament. Kështu që ne po përpiqemi të vrapojmë sa më shumë, duke përdorur IA por pa harruar se vendi jonë në Evropë është i merituar.", tha Rama. /CNA