web counter
LEXO PA REKLAMA!

SHKARKO APP

App Store
Google Play

"Do ta kapim djallin për brirësh"/ Berisha paralajmëron protesta: Do ta godasim Ramën me çdo nanogramë energji

4 Nëntor 2025, 13:42, Politikë CNA

"Do ta kapim djallin për brirësh"/ Berisha paralajmëron

Kryetari i Partisë Demokratike, Sali Berisha, në një deklaratë nga selia blu tha se do të organizohen protesta të fuqishme kundër aferave.

Berisha tha se çdo energji do të përdoret për të goditur Ramën sepse ai është kreu i aferave dhe përgjegjësi kryesor. Kryedemokrati tha se do të kërkohet dorëheqja e Edi Ramës.

"Ju garantoj se protesta shumë të fuqishme do të organizohen, por protestat do të organizohen për hajdutin kryesor, numër një të kombit të të gjitha kohërave.
Se tani qesharakë nuk bëhemi ne.
Të themi se tunelin 50 milionë e kemi prej kësaj.
Ja ku është autori.
Kështu që ne do të organizojmë protesta dhe shumë të fuqishme dhe hajdutit më të madh të shqiptarëve, qytetarët nuk do t'i ndahen kurrë gjersa t’i japin vendin që meriton.
Nuk ka njeri të drejtë dhe të ndershëm që të mohojë se kjo aferë është e përbashkët, ku aksionet kryesore i ka kreu.
Inceneratorin e ka bërë Edi Rama, por siç e di ti, për inceneratorin ka vetëm dy drejtorë bashkie të burgosur dhe asnjë zyrtar tjetër.
Dhe të akuzuar ka Arben Ahmetajn për pllakat e banjës së ish-bashkëshortes së tij.
SKAP-i nuk guxon të merret me inceneratorin e Tiranës si akt madhor korruptiv sepse ishte direkt Edi Rama.
Kurse këtu e hapi sepse këtu faktet ishin përvëluese.

Ne do ta kapim djallin për brirësh dhe ai është i pari, Edi Rama. Çdo nanogramë energji që do shpenzojmë, do godasim atë. Tani jemi të qartë. Ja, ai që do të thotë se është kjo përgjegjësja kryesore, mashtron veten. Tani rruga është e shtruar. Dera është e hapur.
Do t'i kërkohet dorëheqja këtij", tha Berisha./CNA





Lajmet e fundit nga