web counter
LEXO PA REKLAMA!

SHKARKO APP

App Store
Google Play

“Ta çlirojmë Tiranën”/ Teliti: Të tregohen shkeljet e vërteta të Erion Veliajt

4 Nëntor 2025, 17:53, Politikë CNA

“Ta çlirojmë Tiranën”/ Teliti: Të tregohen

Nënkryetari i Këshillit Bashkiak të Tiranës, Dorjan Teliti komentoi sot lidhur me situatën e drejtimit të kryeqytetit, pas vendimit të dhënë dje ndaj Erion Veliajt.

I ftuar në A2 CNN, Teliti u shpreh se pas vendimit duhet treguar edhe shkeljet reale të bëra nga Veliaj përgjatë mandatit të tij.

Teliti shtoi se Partia Demokratike synon ta çlirojë Tiranën dhe se kandidati vazhdon të jetë Florjan Binaj.

“Që në fillim paralajmëruam se mungesa e Erion Veliajt në Këshillin Bashkiak do përdorej si justifikim për ta shpëtuar më pas me vendim të gjykatës. Kështu ndodhi. Projektvendimi ishte qëllimisht i cekt dhe jo ligjor. Kryetari i bashkisë nuk mund të marrë as një vendim për ndihmë ekonomike 20 mijë lekë pa miratimin e Këshillit, e jo më të marrë përsipër 96 milionë euro për inceneratorin. Fakti që një javë para vendimit të Kushtetueses, zonja Manastirliu u emërua në Komisionin e Reformës Zgjedhore, tregon se Partia Socialiste e dinte rezultatin final. Menaxhimi konkret i përditshëm bëhet nga Manastirliu dhe Balluku. Por mbi to qëndron gjithmonë Rama. Nëse ka vullnet, do ta çlirojmë Tiranën. Do kërkojmë që vendimi të pasurohet me shkeljet reale dhe të verifikueshme të Veliajt. Kandidatin e kemi, është Florian Binaj, dhe ka mbështetjen e gjithë opozitës”,-tha Teliti./CNA





Lajmet e fundit nga