web counter
LEXO PA REKLAMA!

SHKARKO APP

E fundit!

x

Progres-raporti i KE për Shqipërinë/ Tabaku: Nuk kishte asgjë të jashtëzakonshme

4 Nëntor 2025, 21:30, Politikë CNA

Progres-raporti i KE për Shqipërinë/ Tabaku: Nuk kishte

Deputetja e Partisë Demokratike, Jorida Tabaku ka komentuar mbrëmjen e sotme raportin e Komisionit Europian për progresin e Shqipërisë. E ftuar në “Now me Erla Mëhillin” në Euronews, deputetja është shprehur se nuk sheh asgjë të jashtëzakonshme në raport.

Ajo tha se në progres-raport tregohet panorama e një vendi ku zgjedhjet nuk fitohen me ide, ku parlamenti nuk është më shpirti i demokracisë dhe një administratë publike që sipas saj nuk bazohet në demokraci. Tabaku tha se integrimi nuk është mbyllja e grupkapitujve por ndryshimi real në jetën e qytetarëve.

"Nuk shoh asgjë të jashtëzakonshme. Nuk më duket se është raporti i një vendi që ka hapur gati 6 grupkapituj. Po ta lexosh progres raportin shikon panoramën e një vendi ku zgjedhjet nuk fitohen me ide por i fiton ai që ka pushtetin, tregon që parlamenti nuk është më shpirti i demokracisë, por e ka humbur funksionin e kontrollit nuk ka komisione hetimore. Shikon një administratë publike që nuk bazohet në meritokraci. Progres raporti shikohet dhe analizohet bashkë me raportet e tjera që kanë dalë. Nuk ka rëndësi sa grup kapituj hap, por sa mbyll dhe si i mbyll. Integrimi është ndryshimi real në jetën e qytetarëve. Sot e kemi kthyer procesin e integrimit në një listë teknike", u shpreh Tabaku ndër të tjera. /CNA





Lajmet e fundit nga