web counter
LEXO PA REKLAMA!

SHKARKO APP

App Store
Google Play

E fundit!

x

Rama takon presidentin e Këshillit Europian/ Diskutime për integrimin e Shqipërisë dhe rajonin

14 Prill 2025, 15:56, Politikë CNA

Rama takon presidentin e Këshillit Europian/ Diskutime për integrimin

Kryeministri Edi Rama ndodhet sot në Bruksel, ku u prit nga Presidenti i Këshillit Europian, Antonio Costa. Së bashku zhvilluan edhe një takim kokë më kokë për të diskutuar progresin e bërë në procesin e negociatave, si edhe për përgatitjet e Samitit të Komunitetit Politik Europian më 16 maj.

Kryeministri Edi Rama kryeson delegacionin shqiptar në këto bisedime, i përbërë nga ministra, zëvendësministra dhe drejtues të punës për kapitujt përkatës.

Në mbërritjen e tij, Kryeministri Rama dhe Presidenti i Këshillit Europian, Antonio Costa, dhanë edhe një deklaratë për mediat e pranishme.

Në fjalën e tij, Rama tha se bisedimet për integrimin kanë një rëndësi të posaçme në këtë moment e kohë dhe sigurisht do të flitet edhe për rajonin.

“Jam shumë i kënaqur që gjendem këtu me Presidentin e Këshillit Europian, i cili me mençurinë e vëmendjen e tij ndaj vendit dhe rajonit tonë është diçka që e vlerësoj shumë. Sot sigurisht është një ditë shumë e mirë për ne sepse kemi një tjetër konferencë dhe çelim kapituj të tjerë, ndërkohë që me Presidentin jam shumë mirënjohës për kohën që më ka kushtuar për të zhvilluar një bisedë rreth përparimit që ne po bëjmë në këtë proces e pastaj edhe për samitin e ardhshëm për komunitetin politik europian, i cili është një aktivitet, një eveniment shumë i rëndësishëm në përgjithësi, por ka një rëndësi të posaçme në këtë moment, në kohë dhe sigurisht do të flasim për rajonin ndaj të cilit, Presidenti është veçanërisht i përkushtuar. Kështu që, ka shumë për të diskutuar, por në përgjithësi jam shumë shumë i inkurajuar nga këto zhvillime dhe jemi tej mase të përkushtuar për të përmbushur të gjitha detyrat e kalendarit që është shumë ambicioz për të mbyllur të gjitha negociatat brenda 2027”,-tha Rama.

Presidenti Costa tha se zgjerimi drejt Ballkanit Perëndimor është një përparësi e qartë për BE-në dhe është investimi më i rëndësishëm gjeostrategjik.

“Zgjerimi drejt Ballkanit Perëndimor është një përparësi e qartë për BE-në dhe është investimi më i rëndësishëm gjeostrategjik për paqen, për begatinë dhe për stabilitetin e kontinentit tonë dhe është vërtetë inkurajuese të shohësh progresin që ka bërë Shqipëria në këtë rrugëtim.

Sot po çelim një grupkapitull tjetër dhe ambicia jonë është që të çelim dhe më tej grupkapituj për t’u negociuar gjatë këtij viti sepse e kemi një kalendar shumë konkret dhe duam që të realizojmë dhe kjo është shumë e rëndësishme për Shqipërinë, por mendoj që kjo është po kështu një shenjë mjaft e rëndësishme për të gjithë rajonin sepse mënyra më e mirë për të garantuar mirëqenien, paqen dhe stabilitetin në Ballkanin Perëndimor është me BE-në e anëtarësimin në të. 

Europa është më shumë sesa BE, por gjithmonë e më shumë është e rëndësishme që ne të jemi të gjithë së bashku të bashkuar sepse të bashkuar jemi më të fortë dhe bota ka nevojë për një Europë më të fortë”,-tha Presidenti i Këshillit Europian, Antonio Costa./CNA

 

 

 





Lajmet e fundit nga