web counter
LEXO PA REKLAMA!

SHKARKO APP

App Store
Google Play

Rama e caktoi në krye të Komisionit të Ligjeve/ Manja: 17 vite me PS, rikthim në shtëpinë natyrale

11 Shtator 2025, 20:14, Politikë CNA

Rama e caktoi në krye të Komisionit të Ligjeve/ Manja: 17 vite me

Ulsi Manja ka reaguar pak minuta më parë, pasi kryeministri Edi Rama i njoftoi këtë të enjte se do të mbajë detyrën e kreut të Komisionit të Ligjeve.

Përmes një postimi në rrjetet sociale, Manja shprehet se kjo detyrë është i një rikthim në shtëpinë e tij natyrale, referuar profesionit të tij si jurist.

Manja thekson se në afro 17 vite në Partinë Socialiste, i janë besuar shumë detyra dhe tani rikthehet në Kuvend, teksa uron edhe pasardhësin e tij Besfort Lamallari.

“Rikthim në shtëpinë time natyrale – Kuvendin e Shqipërisë, si Kryetar i Komisionit të Ligjeve.

Sot, në Asamblenë Kombëtare të Partisë Socialiste, hodhëm themelet e vizionit Shqipëria 2030 në Evropë. Për mua, ky është një moment i veçantë rikthimi në Kuvend, pas një periudhe të mrekullueshme në krye të Ministrisë së Drejtësisë.

Ka qenë nder dhe një shkollë jete të shërbeja si ministër, nën drejtimin e Kryeministrit Edi Rama, të cilit i jam mirënjohës për mbështetjen e pakursyer dhe besimin e dhënë në këto afro 17 vite të rrugëtimit tim politik në Partinë Socialiste. Faleminderit nga zemra të gjithë bashkëpunëtorëve të mi në ministri dhe institucionet e varësisë – ju jeni një aset i pazëvendësueshëm i shtetit shqiptar.

Një falënderim të veçantë dua të përcjell edhe për kolegët e mi ministra, me të cilët ndamë punën, sfidat dhe arritjet gjatë këtyre katër viteve. Fryma e skuadrës që ndërtuam bashkë u kurorëzua me sukses në rrugën e integrimit dhe në fitoren plebishitare të 11 majit.

Urime mikut tim, ministrit të ri Besfort Lamollari, i bindur se do të çojë përpara me përkushtim punën tonë të përbashkët.

Mezi pres të nis këtë kapitull të ri, për reformimin e kuadrit ligjor dhe për ta çuar Shqipërinë edhe më afër Bashkimit Europian”,-shkruan Manja./CNA

 

 

 

 





Lajmet e fundit nga