web counter
LEXO PA REKLAMA!

SHKARKO APP

App Store
Google Play

E fundit!

x

Rama propozon uljen e numrit të deputetëve në Kuvend, nga 140 në 101

11 Shtator 2025, 14:47, Politikë CNA

Rama propozon uljen e numrit të deputetëve në Kuvend, nga 140

Kryeministri Edi Rama, në fjalën e tij drejtuar Asamblesë Kombëtare të PS-së, ka propozuar uljen e numrit të deputetëve në Kuvendin e Shqipërisë nga 140 në 101 deputetë.

“Së pari, në më shumë se 3 dekada, na duhet një cikël i ri reformimi dhe riorganizimi për disa institucione, ndër të cilat edhe për Kuvendin e Shqipërisë. Tepria e numrit të deputetëve. Zbritja e numrit të deputetëve të Kuvendit në të paktën 101 deputetë, edhe më pak bujrum, do të kishte vetëm impakt pozitiv. Prandaj ky ndryshim duhet të jetë objektiv yni që përkon me vullnetin e zgjedhësve tanë”, u shpreh Rama.

Sipas kryesocialistit, duhet të bëhet një reformim i plotë edhe për Komisionet, ku duhet të shtohet numri i Komisioneve të Përkohshme dhe të ulet numri i anëtarëve nëpër Komisione. Kjo gjë, sipas Ramës, vështirëson punën eficiente të Kuvendit.

Kreu i qeverisë deklaroi se 7 Komisione të Përhershme do të drejtohen nga mazhoranca dhe 4 nga opozita.
Komisonet e Përhershme do të jenë:
1. Komisioni për Ekonominë, punësimin dhe financat ( Shumica )
2. Komisioni për Çështjet ligjore dhe Administratën publike ( Shumica )
3. Komisioni për Çështjet e Brendshme dhe të Mbrojtjes ( Shumica )
4. Komisioni për Edukimin, Shkencën dhe Sportet ( Opozita )
5. Komisioni për Shëndetësinë dhe Mirëqenien Sociale ( opozita )
6. Komisioni për Burimet Natyrore, Infrastrukturën dhe Zhvillimin e qëndrueshëm ( Shumica )
7. Komisioni për të Drejtat e Njeriut dhe Mjetet e Informimit Publik ( opozita )
8. Komisioni për Bujqësinë, Ushqimin dhe Zhvillimin Rural ( Shumica )
9. Komisioni për Kulturën, Turizmin dhe Diasporën ( opozita )
10. Komisioni për Evropën dhe Punët e Jashtme ( shumica )
11. Komisioni për Nismat qytetare, Bashkëpunimin dhe Mbikëqyrjen institucionale ( shumica ).





Lajmet e fundit nga