web counter
LEXO PA REKLAMA!

SHKARKO APP

App Store
Google Play

Qeveria "Rama 4"/ Emrat që mbetën jashtë listës

11 Shtator 2025, 13:54, Politikë CNA

Qeveria "Rama 4"/ Emrat që mbetën jashtë listës

Në qeverinë “Rama 4” të prezantuar nga kryeministri ditën e sotme, pati 6 emra të rinj, 5 të tjerë të konfirmuar në detyrë, si dhe disa të tjerë që mbetën jashtë listës.

Konkretisht jashtë listës së Ramës për një vend në ministri kanë mbetur Ulsi Manja, Arbjan Mazniku, Igli Hasani, Ervin Hoxha, Ogerta Manastirliu, Anila Denaj, Bora Muzhaqi, Taulant Balla, të cilët kishin postin e ministrit në legjislaturën që lamë pas.

Ogerta Manastirliu mbante postin e ministres së Arsimit dhe Sportit. Ditën e sotme u kandidua nga kryeminsitri Rama për zgjedhjet lokale të Bashkisë së Tiranës.

Ulsi Manja, i cili mbante postin e ministrit të Drejtësisë, nuk do të jetë më në krye të një ministrie. Manja do të drejtojë Komisionin e Ligjeve.

Arbjan Mazniku nuk do të jetë më ministër i Shtetit për Pushtetin Vendor. Tashmë Maznikut iu besua drejtimi i Komisionit për Reformën Territoriale.

As Igli Hasanit nuk iu dha një post ministri në qeverinë “Rama 4”.

Një tjetër emër që nuk do të jetë më pjesë e qeverisë është Taulant Balla, të cilit iu besua posti i kryetarit të Grupit Parlamentar.

Emrat e tjerë që nuk do të jenë pjesë e qeverisë Rama 4, janë Ervin Hoxha, Anila Denaj dhe Bora Muzhaqi./ CNA

 

 





Lajmet e fundit nga