web counter
LEXO PA REKLAMA!

SHKARKO APP

App Store
Google Play

U propozua nga Rama për kryeparlamentar/ Niko Peleshi: Do krijoj balanca në Kuvend

11 Shtator 2025, 16:28, Politikë CNA

U propozua nga Rama për kryeparlamentar/ Niko Peleshi: Do krijoj balanca

Kryetari i ri i Kuvendit të Shqipërisë i propozuar nga Rama, Niko Peleshi ka dhënë një deklaratë për mediat pas përfundimit të Asamblesë Kombëtare të PS-së. Ai është shprehur se detyrën e re që i është ngarkuar, do ta përdorë për t’i dhënë kohën e duhur në Kuvend të gjitha forcave politike.


“Duhet të kordinojmë punën e të gjithë deputetëve. Opozita, mazhoranca dhe çdo deputet do të ketë kohën e vetë në Kuvend. Do të punojmë edhe për zhvillimin e teknologjisë, pasi mund të na lehtësojë punën në Kuvend”, u shpreh ai.


I pyetur për ministrat që u lanë jashtë kabinetit të qeverisë “Rama 4”, Peleshi nuk ka pranuar të komentojë duke thënë se nuk i takon atij që të flasë në lidhje me to. 

"Nuk dua të bëj analiza sepse nuk më takon mua dhe nuk është vendi dhe momenti për diçka të tillë. Sfida kryesore nuk është vetëm balanca, por duhet të kalojmë në një vetëdije të re, që Shqipëria sot po hyn në një segment të paimgjnueshëm që ka volum pune shumë të madh. Nuk duhet ta shikojmë politikën si arenë gladiatorësh sepse do ta humbasim ‘trenin e fundit’. Pa mbështetjen e Parlamentit, për përgjigjen në kohë për ligjet dhe nëse kemi vonesa, mund të na ikë treni për dekada të tjera. Kjo gjë është shumë e rëndësishme”, deklaroi Peleshi.


Peleshi mori kredinciale për ndarjen e re të Komisioneve, duke thënë se ka punuar për to. Sipas tij, opozita duhet të jetë e kënaqur me ndarjen e Komisioneve pasi do të drejtojë një më shumë.


“Opzita duhet të jetë e kënaqur nga ajo që u prezantua në Asamblenë e PS-së sepse do të ketë nën drejtimin e saj një komision më shumë. Kam patur rolin tim modest në dizenjimin e modelit të ri të komisioneve krahas grupit të punës”, tha Peleshi./CNA





Lajmet e fundit nga