web counter
LEXO PA REKLAMA!

SHKARKO APP

App Store
Google Play

“Po kërkojnë 'varrosjen' e çështjes së inceneratorëve”/ Thirrja ndaj FBI-së dhe Europolit

14 Prill 2023, 12:55, Politikë CNA
“Po kërkojnë 'varrosjen' e çështjes
Foto ilustruese

Disa ditë më parë u publikua dëshmia e shtetasit italian Gabriele Tarroni Longinotti, ish-ortakut të Alberto Presezzit të inceneratorit të Tiranës, i cili tregonte se si Shqipëria bleu një incenerator të përdorur që e kishte çmontuar Rumania. Sipas tij, blerja e inceneratorit ishte financuar nga një shtetas iranian.

Sot në daljen për mediat, Berisha është shprehur se Gabrielen e përzunë pa të drejtë hyrje në Shqipëri për pesë vite, gjersa të "varrosin" çështjen.

Gabriele denoncon se edhe djegësi i paketuar nga Konstanca, kërkohet të paguhet nga para iraniane.

“Të gjitha këto që u them ju, janë edhe në kompjuterin e Gabrielit.

Kompjuteri ndodhet në duart e policisë, të Ardi Veliut. Gabrielin e përzunë pa të drejtë hyrje në Shqipëri për pesë vite, gjersa të 'varrosin' çështjen.

U bëj thirrje Europolit dhe FBI-së që të kontaktojnë sa më parë me Gabrielen, sepse paratë e Iranit po përdoren gjerësisht në Shqipëri nga Erion Veliaj në aferën e djegësve.

Gabriele denoncon se edhe djegësin e paketuar nga Konstanca, Veliaj kërkon ta paguajë me para iraniane.

Këto janë çështje të sigurisë kombëtare. Veliaj, ndonëse është akuzuar me dhjetëra herë, nuk ka guxuar qoftë edhe një herë të vetme të mohojë lidhjet e tij iraniane sepse ato janë realitet”, ka thënë Berisha./ CNA.al





Lajmet e fundit nga