web counter
LEXO PA REKLAMA!

SHKARKO APP

App Store
Google Play

Peleshi: Opozita "vrau" Komisionin gjatë natës për ta qarë gjatë ditës

14 Nëntor 2024, 13:08, Politikë CNA

Peleshi: Opozita "vrau" Komisionin gjatë natës për ta

Kreu i Grupit Parlamentar të PS-së, Niko Peleshi, hodhi akuza ndaj opozitës për debatin e krijuar në lidhje me afatet e Komisionit Hetimor për Koncesionin e Sterilizimit.

Peleshi tha në Kuvend se edhe opozita ka një limit dhe nuk mund të marrë nëpër këmbë interesat e qytetarëve.

Ai deklaroi se debatet gjatë natës ishin të stisura vetëm për t'u ankuar sot gjatë ditës.

“Kjo është seanca e dytë që më shumë se dy orë i kalojmë me gjasme procedurë. Kam përshtypjen se disa prej nesh harrojnë që kur vijnë këtu nuk janë thjesht vetvetja, por janë mijëra qytetarë që përfaqësojnë dhe të përdorin mandatin për të marrë për gojë të gjithë Shqipërinë dhe ju duket sikur ju vlen për hesapet tuaja elektorale. Ne e respektojmë në heshtje të drejtën e opozitës që të përdorë këtë foltore, por ka një limit. Po marrim nëpër këmbë interesat e qytetarëve, të cilët duan të dëgjojnë se çfarë flitet në Komision.

Nëse do dëgjonit qoftë për 10 minuta diskutimet në Komision do kuptohet se cila palë donte të bënte punën dhe kush ishte për ta 'vrarë' atë komision përgjatë gjithë natës dhe për ta qarë gjatë ditës këtu. Duhet mos ta mbanin me diskutime boshe nëse diksutimi do mbahej me video apo jo. Power point do të thotë ekran laptopi i projektuar në mur apo televizor", theksoi Peleshi./ CNA





Lajmet e fundit nga