web counter
LEXO PA REKLAMA!

SHKARKO APP

App Store
Google Play

E fundit!

x

Nis mbledhja e Konferencës së Kryetarëve/ Prezantohet projektligji për buxhetin e vitit 2026

5 Nëntor 2025, 14:16, Politikë CNA

Nis mbledhja e Konferencës së Kryetarëve/ Prezantohet

Ka nisur pak minuta më parë mbledhja e Konferencës së Kryetarëve në ambientet e Kuvendit.

Çështja kryesore e mbledhjes është Prezantimi i projektligjit “Për buxhetin e vitit 2026” nga ministri i Financave.

Siç njoftoi Peleshi në nisje të mbledhjes, seanca e sotme ka këto çështje në rendin e ditës:

-Shqyrtimi i projektkalendarit të veçantë për shqyrtimin e projektligjit “Për buxhetin e vitit 2026”. 

-Shqyrtimi i projektprogramit të punës së Kuvendit për periudhën 10 nëntor – 19 dhjetor 2025. 

-Shqyrtimi i projektkalendarit të punimeve të Kuvendit për periudhën 10 nëntor – 28 nëntor 2025. 

-Shqyrtimi i kërkesës së një grupi deputetësh të Grupit Parlamentar të Partisë Demokratike Për ngritjen e Komisionit Hetimor të Kuvendit për kontrollin e ligjshmërisë në administrimin e fondeve të programit IPARD II (Instrumenti i Asistencës së Para-Anëtarësimit për Zhvillimin Rural). 

-Shqyrtimi i kërkesës së një grupi deputetësh të Grupit Parlamentar të Partisë Demokratike për mocion për zhvillimin e debatit “Për gjetjet, konkluzionet dhe rekomandimet
e raportit final të OSBE-ODIHR-it për zgjedhjet parlamentare të 11 majit 2025”. 

-Përcaktimi i kohës së debatit për raportin e Komisionit për Çështjet Ligjore dhe Administratën Publike në lidhje me kërkesën për shkarkimin e Presidentit të Republikës së Shqipërisë./CNA

 





Lajmet e fundit nga