Meta vijon farsën/ Protesta sa për t’u hedhur “hi syve” qytetarëve

20 Shtator 2022, 22:19, Politikë CNA

Meta vijon farsën/ Protesta sa për t’u hedhur “hi

Kreu i PL-së, Ilir Meta

Pas protestës së dështuar të 13 shtatorit në vendin ku nuk ka inceneratorë, kreu i partisë së inceneratorëve, Ilir Meta, ka treguar se do të vijojë farsën.

Ai pranoi mbrëmjen e sotme se do të vazhdojë të organizojë protesta, sa për t’u hedhur “hi syve” qytetarëve

Fillimisht, Meta konfirmoi se e dinte që në protestën e zhvilluar më 13 shtator nuk do të kishte pjesëmarrje dhe e justifikoi këtë gjë me pretendimin se nuk mund të bëhet zhurmë te Landfilli i Sharrës.

“Duhet të keni parasysh se nëse dikush dëshiron të ketë pjesëmarrje nuk mund t’i ftojë njerëzit të shkojnë në Sharrë, qoftë për largësinë, qoftë për infrastrukturën, qoftë për hapësirën. Nuk është atje për të bërë zhurma”, u shpreh ai.

Meta justifikon sërish dështimin e protestës/ Nuk mund të bësh zhurmë tek Landfilli i Sharrës
20 Shtator, 22:04

I pyetur në emisionin “Publikisht” se kur do të jetë protesta e radhës, kreu i PL-së tha se nuk kanë vendosur një datë.

Gjithashtu, ish-presidenti deklaroi se protestat e tij do të zhvillohet në vende të tilla si Landfilli i Sharrës, të cilat i quan “skena krimi” dhe që e di se nuk kanë pjesëmarrje.

“Aksionin e radhës nuk mund ta them sot, por do të jetë në skena krimi, ku po vidhet, ku po dëmtohet interesi publik”, theksoi Meta, ndërsa u shpreh se e mirëpret PD-në në protestat e tij.

“Jemi të gatshëm të zhvillojmë cdo aksion të përbashkët që fuqizon opozitarizmin dhe vendos demokracinë dhe shtetin e së drejtës në vendin tonë”, nënvizoi ai./ B.A. – CNA.al