“Ka depozituar miliarda dollarë në banka ndërkombëtare”/ Ngjela godet ashpër Ramën: Injorant dhe pa vizion!

20 Shtator 2022, 08:58, Politikë CNA

“Ka depozituar miliarda dollarë në banka

Spartak Ngjela

Avokati Spartak Ngjela ka bërë një analizë të situatës politike në vend, ndërsa sulmon ashpër kryeministrin Edi Rama.

Sipas Ngjelës, Rama është një kryeministër që nuk ka vizion për të ardhmen, nuk kupton dot zhvillimet ndërkombëtare.

Nën drejtimin e Ramës, gjendja ekonomike vetëm me prodhim bujqësor, dhe me pak turizëm, ka krijuar varfërinë ekstreme në Shqipëri.

Ai shton se Rama ka si qëllim shpopullimin e Shqipërisë, ndërsa vetëm me korrupsion ka depozituar në banka ndërkombëtare miliarda dollarë.

Analiza e plotë:

Çfarë po tregon e tashmja për botën shqiptare në Ballkanin Perëndimor?

A mund të bëjmë një analizë për këtë çështje?

Po.

Por na duhet që analizën ta sjellim në pah sipas pikave të më poshtme; të cilat janë gjykime të veçanta:

Në Tiranë sot drejton një kryeministër që nuk ka vizion për të ardhmen;

Kryeministri që nuk kupton dot të ardhmen nuk ka lidhje me zhvillimin kombëtar;

E ardhmja e Shqipërisë duhet të ketë lidhje me imediaten; dhe e tashmja e saj është domosdoshmëria e rritjes së rrogave shtetërore, dhe rritja e menjëhershme e prodhimit nëpërmjet prodhimit industrial.

Sepse...

Një gjendje ekonomike vetëm me prodhim bujqësor, dhe me pak turizëm, ka krijuar varfërinë ekstreme në Shqipëri.

Prandaj Shqipëria është:

Një shtet me rrogat më të ulta në Evropë;

Një shtet pa strukturë të mirëfilltë juridike;

Një shtet me liderë të shitur në Moske dhe Beograd.

Një shtet pa drejtësi të ngritur mbi doktrinën e forcës së ligjit.

Dhe..

Kjo është arsyeja që sot në Shqipëri sundojnë:

Dy liderë të partive të mëdha, Rama dhe Berisha, që adhurojnë dhe imitojnë Enver Hoxhën. E kanë si simbol të pushtetit personal dhe forcës shtetërore; por nuk e bëjnë dot se nuk e kuptojnë që forca e Enver Hoxhës vinte nga krimi permanent shtetëror që kryhej për të ngritur figurën e vet Enver Hoxhës. Po këta? Nuk i ka frikë njeri në Shqipëri, po nuk e kuptojnë dot dhe mendojnë se shkëputja nga Perëndimi do t'u japë forcë. Po, a shkëputen dot nga Perëndimi?!!

Dhe duhet të kujtohemi se:

Një kryeministër që nuk i ngre rrogat e shtetit, kuptohet që ka si qëllim shpopullimin e Shqipërisë.

Por, bashkë me të sot shohim:

Liderë të caktuar politikë, të korruptuar, që presin t'u vijë Moska dhe të shpëtojnë paranë e vjedhur;

Liderë politik që urrejnë dhe përbuzin shqiptarët, pasi i kanë vjedhur ata;

Liderë politik të mbërthyer në injorancën e tyre që nuk dinë asgjë për tendendencat e zhvillimit botëror;

Liderë politik që me korrupsion kanë depozituar nëpër banka ndërkombëtare miliarda dollarë.

ll.

Por, na duhet të theksojmë se sot po konstatohet një investigim i nivelit të lartë për qeverisjen e Shqipërisë nga Shtetet e Bashkuara, dhe po hetohen financimet e korrupsionit të lartë shtetëror që vijnë nga Moska e Beogradi, për të bllokuar aleancën e lartë politike Shqipëri - SHBA. Por, për të bllokuar edhe marrëveshjet midis Kosovës dhe Shqipërisë.

Prandaj...

Sot, në lidhje me Kosovën, nga Tirana nuk ka asnjë hap cilësor drejt saj:

Kryeministri aktual i Shqipërisë ka sabotuar marrëdhënien e karakterit juridik, si marrëveshje e nivelit të lartë Shqipëri - Kosovë.

Sepse po konstatohet:

Një frikë e madhe e Moskës dhe Beogradit për mundësinë e një marrëveshjeje të nivelit të lartë Shqipëri - Kosovë - SHBA. Dhe, kjo frikë i ka hedhur në sulm te gjithë përkrahësit historik të Moskës dhe Beogradit në Tiranë, për ndalimin e kësaj marrëveshjeje, e cila deri tani është bllokuar nga liderët e korruptuar të Shqipërisë. Por kjo marrëveshje mban në qendër të vet bashkimin kombëtar.

Por; a mund ta ndalojë dot Rama këtë marrëveshje? Pamundësi absolute; sepse ajo, plus që është interes i lartë kombëtar shqiptar, është gjithashtu edhe interes amerikan. Dhe, pikërisht kjo ka trembur edhe Beogradin, edhe Moskën.

Por; ndërkohë pritet forca e politikës amerikane që të ushtrojë presion në arritjen e kësaj marrëveshjeje historike, e cila, duke qenë një marrëveshje me spektër të gjerë: në treg, në transport, në bujqësi, në prodhimin i dustrial, në art, në letërsi, në shkencë - në të dy shtetet shqiptare, do të sjellë menjëherë: rritjen e prodhimit; do të sjellë lartësimin e arsimit universitar në bashkëpunim dyshtetëror; do të sjellë bashkimin e ndërveprimit dyshtetëror në krijimin e hekurudhave dhe autostradave të reja; dhe, si rrjedhim, do të krijojë realisht botën shqiptare në Ballkanin Perëndimor me të dy Qendrat e saj: Tirana dhe Prishtina.