web counter
LEXO PA REKLAMA!

SHKARKO APP

App Store
Google Play

E fundit!

x

Basha përfundon si anekdotë/ Vangjeli: Duhej të kishte ikur sepse humbi në prill

19 Shtator 2022, 14:34, Politikë CNA

Basha përfundon si anekdotë/ Vangjeli: Duhej të kishte ikur sepse

Analisti Lorenc Vangjeli ka folur lidhur me zhvillimet e fundit brenda në PD dhe për kryefjalën “lobimi rus”.

Ai shprehet se Lulzim Basha u rikthye në vëmendje sërish pa bërë asgjë, duke vijuar më tej se paratë e përdorura për lobim në SHBA janë shqiptare, por të kaluara nëpërmjet kanaleve ruse.

Në analizën e tij ai nuk e lë vetëm në faj Bashën, por shprehet se përgjegjës për këtë është edhe Sali Berisha, pasi sipas analistit të dy kishin si qëllim të shantazhonin SHBA-në, në vitin 2019 me djegien e mandateve.

 “Ai djali i buzëqeshur u kthye në politikanin më radikal. U kthye në njeriun që rrezikoi deri diku stabilitetin e vendit. Nuk është thënë ende çfarë ka ndodhur. Bëhet fjalë për lobimin e tij, për një gjysmë milioni që kanë shkuar për lobim në 2017.

Këtë agjendë ruse, jam i sigurt që nuk ka para të tilla. Këtë agjendë ruse më shumë se kushdo tjetër e ka çuar përpara Lulzim Basha. Në 2019 nxori opozitën nga Parlamenti duke goditur sistemin në themelin e tij.

Basha dhe Berisha e bënë sepse luajtën në bixhoz fatin e tyre. Ata nuk tentuan, nuk u interesonte rrëzimi i qeverisjes, ata po shantazhonin SHBA-në për të destabilizuar vendin. Ky është një krim”, tha ai.

Sa i takon Berishës, Vangjeli shprehet se pas "non gratës" në SHBA dhe Britani, ish-kryeministri rrezikon të shpallet "non grata" edhe në BE dhe pas kësaj nuk do të ketë mundësi as të kalojë Adriatikun.

“A e kalon dot kanalin e Otrantos apo bregun tjetër të Adriatikut? Dje e kaloi me internet. Besoj se nuk do të ketë not që do ta lejojë atë të kalojë anën tjetër të Adriatikut, qoftë edhe në Bari”, u shpeh ai.

Nga ana tjetër, sipas analistit, Basha do të rikthehet, por jo si politikan.

 “Basha do të rikthehet sërish, por si anekdotë. Unë them se ai duhet të kishte ikur, jo për atë që bëri në shtator. Duhet të kishte ikur sepse humbi në prill”, tha ai./CNA.al





Lajmet e fundit nga