Politikani i transaksioneve të dyshimta flet për varfërinë/ Meta ndien “erën” e prangave?

18 Shtator 2022, 13:48, Politikë CNA

Politikani i transaksioneve të dyshimta flet për varfërinë/

Ilir Meta i PL-së, politikani që është paditur në SPAK për transaksione të dyshimta nëpërmet kompanive offshore, shfaqet i shqetësuar për varfërinë e qytetarëve.

Sipas tij, situata është edhe më e rëndë nëse i referohemi faktit se aktualisht 67% e shqiptarëve jetojnë sot me të ardhura nën dhe deri në 5.5 dollarë në ditë.

Me anë të një postimi në rrjete sociale, Meta shkruan se Rilindja po i zhyt thellë e më thellë shqiptarët në pasiguri dhe varfëri, sepse qëllimi i saj është vetëm vjedhja pa pushim e taksave të tyre për veten, klientët dhe oligarkët e saj.

Ndaj Ilir Metës ka disa padi në SPAK për transaksione të dyshimta nëpërmjet offshore-eve për ndërhyrje estetike.

Ndryshe, Ilir Meta është i lakuar për pasurinë e tij marramendësve që ka kulmuar me vilën luksoze në Gjirin e Lalzit, pamjet e të cilit dolën në dritë nga një emision televiziv dhe që më vonë u fshinë.

Pavarësisht kësaj ai del dhe flet për varfërinë e qytetarëve, kur ai dhe fëmijët e tij nuk e dinë çfarë është varfëria.

Deklarata e plotë:

Shqipëria, sipas Agjencisë Europiane të Statistikave, kryeson në kontinent me 43% të popullsisë së saj të rrezikuar seriozisht nga varfëria dhe përjashtimi social.

Situata është edhe më e rëndë nëse i referohemi faktit se aktualisht 67% e shqiptarëve jetojnë sot me të ardhura nën dhe deri në 5.5 dollarë në ditë.

Laku i varfërisë shtrëngohet çdo ditë dhe më shumë nga rritja abuzive dhe e pandalshme e çmimeve, si dhe nga mungesa e paketave sociale efektive të ndihmës për çdo kategori në nevojë.

Rilindja po i zhyt thellë dhe më thellë shqiptarët në pasiguri dhe varfëri, sepse qëllimi i saj është vetëm vjedhja papushim e taksave të tyre për veten, klientët dhe oligarkët e saj.

Ndërkohë që sipas Eurostat, 43% e popullsisë rrezikohet nga varfëria, Edi Rama paguan çdo ditë 80.000 euro pronarët në arrati të inceneratorëve fiktivë, "kryeveprën" e aferës së tij korruptive.

Shantazhet absurde të tij për fëmijët dhe prindërit, që të mos bëjnë shënime në librat e shkollës se do të kenë sanksione apo thirrjet për kursim të energjisë duke “shpikur” shembuj nga Zvicra se si qytetaret futen në burg për ngrohjen me kondicioner tregojnë degradimin e pashpresë të regjimit më të korruptuar në kontinent që shton shpenzimet e luksit dhe aferat korruptive në këto kohë krizash.

Shporrja e kësaj bande të korruptuar dhe të inkriminuar është e vetmja rrugë për t'u ndarë pergjithmonë me korrupsionin galopant, varfërinë në rritje dhe përjashtimin social të shumicës dërrmuese të shqiptarëve./CNA.al