LEXO PA REKLAMA!

SHKARKO APP

Flutura Açka tregon takimin/ Si e la Fatos Nano zyrtarin holandez të priste në holl

16 Shtator 2022, 20:46, Politikë CNA
Flutura Açka tregon takimin/ Si e la Fatos Nano zyrtarin holandez të
Deputetja e PD-së, Flutura Açka

Deputetja e PD-së, Flutura Açka, ka treguar historinë e një takimi të ish-kryeministrit Fatos Nano me një zyrtar holandez, që ka ndodhur mes viteve 2003-2005.

Açka thotë se Atzo Nicolai, në kohën kur ishte sekretar Shteti për Çështjet Europiane në Holandë, kishte zhvilluar një takim me Nanon dhe këtë e kishte cilësuar më pas si një prej vizitave më të shëmtuara të jetës politike.

Ajo shprehet se funksionari i lartë holandez u la të priste në paradhomën e ish-kryeministrit tonë një kohë shumë të gjatë, kur ky i fundit qeshte me të madhe me disa persona në zyrë.

Edhe kur kishte hyrë në zyrën e Nanos, deputetja deklaron se ish-kryeministri nuk ishte ngritur fare nga vendi, por i kishte zgjatur dorën ulur.

Flutura Açka tregon takimin/ Si e la Fatos Nano zyrtarin holandez të

Statusi i plotë në rrjetet sociale:

Fatos Nano dhe gengu i gangove

Aty mes viteve 2003-2005, mes europianëve të tjerë që vinin në Shqipëri, ishte edhe zoti Atzo Nicolaï, një politikan holandez që atë kohë ishte sekretar Shteti për Çështjet Europiane i Mbretërisë së Holandës.

Në një intervistë dhënë një radioje kombëtare holandeze, pasi përmbylli detyrën e tij politike, ai tregon për një prej vizitave më të shëmtuara të jetës së tij politike, atë të takimit me Fatos Nanon e Shqipërisë.

Funksionari i lartë holandez u la të priste në paradhomën e kryeministrit tonë një kohë shumë të gjatë. Nga aty ku ishte ulur, dëgjonte të qeshura që vinin nga zyra e Fatos Nanos. Një hop të gjatë më vonë dera u hap dhe doli një tufë burrash çakërqejf nga gazmimi që kishin marrë nga takimi me liderin shqiptar.

Flutura Açka tregon takimin/ Si e la Fatos Nano zyrtarin holandez të

Më pas një nëpunës e shoqëroi Sekretarin Holandez të Shtetit brenda në zyrën e kryeministrit shqiptar, i cili, i lodhur mbase nga gjithë çakërrqejfja e asaj dite vizitash, nuk lëvizi fare nga vendi, por ia zgjati dorën miku të huaj ashtu ulur siç qe.

Çfarë ndodhi më pas, nuk ka fare rëndësi. Fundja ky ishte, dhe është ende, shteti i gangove që kanë kaluar këtej pari trojeve tona.

Po të mos ishte ky geng gangosh që kanë uzurpuar politikën shqiptare, sot do të ishim në Europë, jo duke aplikuar për azil rrugëve të botës, jo duke punuar në të zezë mejhaneve të Europës e as duke rrezikuar jetën dallgëve të La Manshit.

Në kohën e Fatos Nanos, korrupsioni ishte shtrirë, ai e uli në poltron, këta sot e ngritën në këmbë dhe i dhanë dekoratën “Nderi i Kombit”./ B.A. - CNA.al

Lajmet e fundit nga