web counter
LEXO PA REKLAMA!

SHKARKO APP

App Store
Google Play

Salianji bën sikur nuk di gjë/ Dje e mbronte Bashën për financimet ruse

15 Shtator 2022, 22:14, Politikë CNA
Salianji bën sikur nuk di gjë/ Dje e mbronte Bashën për
Ervin Salianji

‘Babalja’ e Lulzim Bashës, ka dalë sot në media, duke pretenduar se është tronditur nga skandali me lobimin rus.

Sipas Agjencisë së lajmeve "AFP", Rusia ka shpenzuar 500 000 dollarë për të mbështetur PD-në në zgjedhjet e vitit 2017.

Mirëpo për Salianjin, kjo është dicka e re dhe nuk ka qenë në dijeni të një financimi të tillë, megjithëse 2 vite më parë, për të ishte një telenovela banale latine.

Në 2020, Salianji shprehej nëpër studio televizive se akuzat për lobim rus nga ana e Partisë Demokratike ishin propagandë idiote dhe të pabazuara në fakte.

“Akuzat për lobim rus operacion idiot propogande. Zero fakte dhe prova! Asnjë ligj i shkelur as ne Shqipëri as në Amerikë.

Imagjinata që PD u merr para rusëve dhe ja kalon amerikaneve për të lobuar me europianë është imagjinate e provincave të telenovelave banale latine!”, deklaronte Salianji asokohe.

Ndërkohë që mbrëmjen e sotme deklaron në “Radar Informativ” se nuk kanë qenë në dijeni të një financimi të tillë.

“Së pari njëherë çdo deputet është i tronditur se çfarë financimesh ka PD. Që të goditet PD nuk është çështje fare. Unë kam qenë në struktura drejtuese. Unë besoj që ka demokratë të thjeshtë që nuk neveriten nga çdo tentativë për ta bashkuar PD me pagesa të paligjshme sidomos nga shteti rus.

Kjo është një gjë që duhet sqaruar. Ka një shqetësim të SHBA, përderisa ambasadorja ishte në KQZ sot. Që të mos penetrojnë paratë ruse se është kërcënim real”, tha ai./CNA.al





Lajmet e fundit nga