LEXO PA REKLAMA!

SHKARKO APP

Indrit Hoxha, akuza Ramës/ Regjimi po detyron të rinjtë të largohen nga vendi

18 Shtator 2022, 17:52, Politikë CNA
Indrit Hoxha, akuza Ramës/ Regjimi po detyron të rinjtë të
Sekretari për Emigracionin, Diasporën dhe Organizimin e PD jashtë vendit, Indrit Hoxha

Sekretari për Emigracionin, Diasporën dhe Organizimin e PD-së jashtë vendit, Indrit Hoxha, ka hedhur një sërë akuzash ndaj kryeministrit Edi Rama, teksa ka folur për emigracionin.

Gjatë takimit online të kryedemokratit Sali Berisha me shqiptarë në Itali, Hoxha tha se Rama duhet të largohet.

Kjo, sipas tij sepse Rama ka krijuar një regjim që po detyron të rinjtë të ikin nga vendi.

Gjithashtu, ai pretendon se Shqipëria është zaptuar nga një grusht njerëzish, qëllimi i vetëm i së cilëve është të pasurohen vetë dhe të varfërojnë shqiptarët.

“Qëllimi i kësaj foltoreje ka një emërues të përbashkët, largimin e regjimit autokrat të Edi Ramës. Një regjim që po detyron mijëra të rinj të largohen nga vendi, duke lënë pas nënën, babain, motrën e vëllanë. Ndonëse nuk jemi më një vend në periudhë tranzicioni, edhe pse nuk jemi një vend në luftë, të rinjtë shqiptarë, nëna së bashku me fëmijët e tyre marrin rrugët e emigrimit, duke rrezikuar jetën me gomone në det të trazuar pasi qeveria aktuale u ka shkatërruar të ardhmen, ekonominë, ëndërr.

Ne duhet t’i japim fund sa më parë emigracionit absurd që ndodh në vendin që aspiron të bëhet pjesë e familjes së madhe europiane. Shqiptarët duhet të qëndrojnë në vendin e tyre. I vetmi që duhet të largohet është e keqja e shqiptarëve i cili quhet Edi Rama.

T’i themi jo më ikjes së trurit, të rikthejmë profesionistët, mjekët, të rinjtë në vendin e tyre. T’i japim diasporës votën e mohuar, t’i rikthejmë begatinë vendit tonë të begatë, një toke të bekuar me male, det e fusha, që mund ti mundësojë çdo familje shqiptarëve që ekonomi të qëndrueshme.

Një tokë e pasur si asnjë tokë tjetër në rajon apo Europë, por që është zaptuar nga një grusht njerëzish, qëllimi i vetëm i së cilëve është të pasurohen vetë dhe të varfërojnë shqiptarët. Një regjimi që merr frymë falë krimit të organizuar, mafies dhe drogës.

Një kryeministër që qëndron në pushtet jo falë votës së shqiptarëve por personave me precedentë kriminal, ata me lidhje me kartelë famëkeq të vendeve të Amerikës Latine, të cilët kryeministri Rama i sajdis në zyrën e tij. Le të shërbejë kjo foltore mes Italisë e Tiranës, pse jo, edhe për të folur për të ardhmen e vendit, për prospektin ekonomik në marrëdhëniet mes dy vendeve, për miqësinë mes tyre, por edhe për qeverinë e re që do të dalë nga zgjedhjet e 25 shtatorit dhe ndryshimit që do të sjell opozita kur të rikthehet në pushtet”, deklaroi Hoxha./ B.A. – CNA.al

Lajmet e fundit nga