web counter
LEXO PA REKLAMA!

SHKARKO APP

App Store
Google Play

E fundit!

x

‘Situata është shqetësuese’/ Rama, për mediat amerikane: Presim sulme të tjera nga Irani

20 Shtator 2022, 08:33, Politikë CNA
‘Situata është shqetësuese’/ Rama, për mediat
Edi Rama

Pak javë më parë, Shqipëria ndërpreu marrëdhëniet diplomatike me Republikën Islamike të Iranit si shkak i sulmeve kibernetike që mbi Qeverinë shqiptare gjatë korrikut.

Lidhur me këtë çështje ka folur kryeministri Edi Rama për median amerikane "Newsmax TV", ku ishte ftuar bashkë me Richard Grenell.

Rama tha se nuk e ka akuzuar ai Iranin për sulmet kibernetike nga Shqipërisë, por faktet që kanë dalë. Në momentin e sulmeve kuptoi që ishte koha për të ndërprerë çdo marrëdhënie me regjimin iranian theksoi ai duke shtuar se Shqipëria pret që të ketë akoma më shumë sulme nga Irani pas ndërprerjes së marrëdhënieve.

“Dua të bëj shumë të qartë se nuk e kam akuzuar Iranin. Kemi prova të qarta, ku është provuar se pas këtij sulmi është Irani, shteti, Republika Islamike e Iranit. Një prej të cilave është një prej grupeve terroriste kibernetike. Kështu që nuk është akuzë, është fakt. Nga ana tjetër kuptuam që ishte koha për të ndërprerë çdo marrëdhënie me këtë regjim. Nuk mund të lejonim ambasadat e tyre të ishin në mes të kryeqytetit tonë si qendër operative. Ne duam të ngremë një aleancë për mbështetje. Ajo që kemi nevojë është për të ndërtuar mbrojtje kibernetike.

Edhe pas 15 korrikut, ne kemi pasur sulme të tjera dhe presim akoma më shumë sulme. Është shumë shqetësuese. Nuk më takon mua të them sepse Shqipëria është një aleate e SHBA-së, ne e dimë pozicionin tonë, nuk është mbi shpatullat tona për marrë një vendim. Por duke qenë se kemi jetuar në një regjim të ngjashëm, që nuk ishte nje regjim totalitar fetar, mund të them nga përvoja se të merresh në mënyrën tonë, që do të thotë në mënyrën demokratike, nuk më ngjan si vizion shumë largpamës”./CNA.al

 





Lajmet e fundit nga